هامسەرۆکو دەسەو کشتوکاڵ و ئاوداریی ئیدارەو وێڕاوەبەریی دیموکراتیکو سەرنیشت و وەرکەوتو سوریای، ئەحمەد یونس واتش، ئێساڵ گردو بەرهەمو گەنما و پەمەو هیتیارا مسنییۆ.

ئەحمەد یونس ئەوەخوایش کەردۆ، ئامانج چی قەرارەیە پارێزنای کۆگای ستراتیژییەو گەنما و پەمەین.

هەڵای ئیدارەو وێڕاوەبەری نرخەو گەنما و پەمەیش دیاریی نەکەردەن.

ئیدارەو وێڕاوەبەری ساڵەو پاری نزیکەو ملوێنێ و ٣٠٠ هەزار تەنا گەنمێش ورگێرتێبێنی، نرخەو حەر کیلوێوە ٤٣ سەنتێ ئەمریکی بییەن.