ئیدارەو وێڕاوەبەری ناڕەزایەتیش جە دژو هرووژمەکا بەربڕی
ئیدارەو وێڕاوەبەری سەرنیشتوو وەرکەوتوو سووریای ئەرەیاوناش دۆڵەتو تورکی بە هرووژمەکاش پەی سەرو مەدەنیا هێڵەی سوورەش ویەرنێنە و تاوانە و جەنگی ئەنجام مڏرۆنە.
ئیدارەو وێڕاوەبەری سەرنیشتوو و وەرکەوتوو سووریای دەربارەو هرووژمە ڕاستەخۆکا دۆڵەتو تورکی ئەرەگیری سەرو هاموڵاتییا مەدەنی ئەرەیاونێوەش وەڵاکەردۆ و دەسنیشانش کەردەن ئا هرووژمی دۆڵەتو تورکی تاوانەو جەنگینە جە دژو هاموڵاتییا مەدەنی جە شارو سێرتینە.
جە ئەرەیاوناکەینە ئامامپن: "چا هرووژمەنە کە ١٢ مەدەنیێ گەشمەرڏێ بیێنێ و ١٣ی تەرێچ زامڏارێ بیێنی، بە پاو گرڏو یاسا مییاننەتەوەییەکا تاوانەو جەنگینە و پاشێلکەردەو قەرارو ١٦٧٤ی ئەنجوومەنو ئاسایشین."
جە بەردەوامی ئەرەیاوناکەرینە داواش جە گلێرگەو مییاننەتەوەیی و ئەنجومەنو ئاسایشی نەتەوە یۆگێرتەی کەردێنە هەڵوێس هورگێرانە و ئیتر ڕانەرانە بی هرووژمە دڕنداناو دۆڵەتو تورکی قڕکەری.
جە دمای ئەرەیاوناکەینە داوا جە هامپەیمانا مییاننەتەوەیی کریان بە خێرای دەستوەردای بکەرۆ و هرووژمەکێ دۆڵەتو تورکی ئەرەگیری جە دژو هەرێمەکا سەرنیشتوو و وەرکەوتوو سووریای و خەڵکو مەدەنی مردنۆنە.
