کۆمیسیۆنو لقو جەمەو مافو مرۆڤو ئەدەنەی گوزارشتەو ۋێش سەبارەت بە زینانەکا هەرێـمەکەی وەڵاکەردۆ.

عەزیز ساری، واتەواچو کۆمیسیۆنو زینانیا لقو ئیهەدەو ئەدەنەی، جە ڕاو گوزارشتەکێوە ئەرەیاۋناش؛ ژیۋای زینانیا فەڤزی، عومەر ئارسلان، جەلال ئەرجان و حاجی ئالاگاش جە زینانو ئەمنی باڵاو سولوجای ژمارە ١ ینە زینانیێنۍ ئینا چێرو تەرسێنە.

ساری ئانەیچش وست ڕووە، سەرەڕاو داواکارییەکا، زینانیەکۍ ڕەوانەو خەسەخانەی نمەکریا و مەتەرسی سەرو ژیۋای برایا ئارسلانی فرەن.

ساری ئاماژەش پانەی کەرڎ، پەنەوازا زینانییە نەوەشەکۍ ئازاڎۍ بکریا و داواش جە شالیارو دادی کەرد.

ساری جە درێژەو قسەکاشەنە ئانەیچش وات: "زینانییە نەوەشەکۍ ئەدەنەی سەبارەت بە مافو تەندروسی ۋێشاوە ڕووبەڕوو گرفتی گۊرەی بیێنێوە و واتش: "جە تورکیانە ٤٠٣ زینانۍ هەنۍ و زینانیەکۍ جە شۊنەی فرە خراپەنە زینانیێ کریێنۍ.

ساری باسش چانەیچ کەرڎ،کە تا ١و ​​تەمووزو ٢٠٢٤ تواناو زینانەکا ٢٩٥ هەزارۍ و٣٢٨ کەسۍ بیەن، بەڵام ٣٤٢ هەزارۍ و ٥٢٦ کەسۍ واتە زیاتەر جە تواناو زینانەکا مروڤۍ چا شۆنانە دەسبەسەرێنۍ.