وۆرک شۆپوو "پێناسەو شناسنامەو گەلاو سوریای، سیستموو شناسنامەو کوردی و گەلاو سوریای سیستموو نەتەوەی دیموکراتیکینە" بە سەرمەشقایەتیی پارتوو یۆبییەی دیموکراتیکی (پەیەدە) شاروو قامیشلۆینە بەردەواما.  

ووٶرک شۆپەکەنە سەروو بابەتی دووەمی با ناموونیشانوو " شناسنامەی سیاسی وڕێکوزیای کەردی دماو شۆڕشی و دیدگاو چارەسەروو دۆزو  کوردی سووریانە"  هامسەرۆکەو فەرمانگەو پەیوەندییەکاو بەروو سەرنیشت و وەرکەوتوو ئیلهام ئەحمەدە قسێش کەردێ.

ئیلهام ئەحمەدە ئاماژەش پانەیە کەرد،  چەنی شۆڕشوو ١٩و تەمووزی گەورەی نزیکەق ١٣ سالان ج ەئەوەڵوو پڕۆسەو قەیرانیوە تا ئارۆ، سەرنیشت و وەرکەوتوو سوریاینە، چارەسەروو پەرسەو کەردی یاوان حەددێوی گرنگ. لە سوریا و ڕۆژئاوا پرۆسەی تێکۆشان هەیە. پێش شۆڕش ئەو تێکۆشانەی لەڕێگەی پارتە کوردییەکانی سوریاوە بەڕێوەدەبرا، ئاستێکی ڕێکخستنی بنیاتنا. ئەمە لە ساڵی ٢٠١١دا شکڵێکی جیای وەرگرت. لە ناوخۆی سوریادا پرۆسەی بەدەستهێنانی ماف و چاند و پەیوەندیی گەلان، گەیشتە قۆناغێکی نوێ".

ئیلهام ئەحمەدە ئەرەیاوناش میراتێوی  تەڤگەروو ئازادی جە سووریانە و وەرنیشتەنە هەن و پێسە باسوو دەسکەوتەکاو سۆڕشیش کەرد:"پەی دداننیایپۆرە بە شناسنامەو گەلوکوردی قوربانیێ فرێش دێنێ، چی ڕووەوە دەسکەوتێ فرێ بەدەس ئامێنێ. بڕێ گرووپ و لایەنێ و کەسێ دژوو ئی دەسکەوتا هەرمانە مکەرا، بەتایبەتی زوانی کوردی مکەرا ئامانج. بڕێ بەئەنقەس  دژایەتیی مکەرا و بڕێچ بێئاگایانە. پەی نموونەی  مەکتەبەکاو زوانی کوردی ئێمە قبووڵ نمەکەرا و زارۆڵەکاشا مکیانمێ پەی مەکتەبەکاو ڕژێمی. ئینە غەڵەتا نەبییەی باوڕین بە ئایندەی. دەیان هەزار زارۆلێ هەنێ کە مەکتەبەکامانە موانا".

ئیلهام ئەحمەدە درێژەنە واتش:" نامومکینا بگێڵمێوە پەی وەڵێ ٢٠١١،  نزیکەو ملوێنێ تەلەبێ هەنێ، ئی بێهۆشیاری و کۆشیایە بنەڕەتنە گەرەکشا مافەکاو گلێرگەی پاشێل بکەرۆ. حەسرەتوو گردوو کوردی ئانەبێ،روێ زارۆڵەکاما بکیانمێ مەکتەب، ئارۆ ئاما دی، وەلێ لایەن هەن کە  ورد هەرمانە کەرا، پەی لاوازکەردەی ئی ئامانجەیە . ئی سیاسەتە دژبەرە کۆشیای گەلوو کوردی لاواز مکەرۆ، نمازۆ گلێرگە ڕا پی هەرمانێ بدۆ، کە بنەڕەتیتەرین دەسکەوتوو شۆڕشین".

ئیلهام ئەحمەدە واتیچش بە هەزارا سەروازێ شۆڕشی هەنێ و واتش مشۆم گەل خاوەنداری وەنەو هێزەکاش بکەرۆ:" یۆ جە دەسکەوتەکای تەریما هێزە سەروازییەکێمانێ، دنیا هامپەیمانی چەنی هێزەکام مبەسۆ، ئی ئیمکانە بەرەو ڕەوایەتی ملۆ، بییەی هێزێو پارێزنای زەروورا، ئانێ هەمەتەو سیاوکەردەیوەش مکەرا،  نەوەشیی دەروونییشا هەن و هاگایانە مکەراش،پەنەوازا هێزەکاما بپاریزنمێ و پەنشا سەرەبەرزێ بیمێ و دنیا ماچۆ ئینە هێزێوە بەدیسپلینەنێ، هێزەکێما چی ئاستەنە قبووڵ نمەکریا".

ئیلهام ئەحمەدە ئەرەیاوناش ئەرەمەرزیایەکاو ئیدارەو وێراوەبەری دژوو گرد هجوومیوە ئینێ سەروو هەرمانێوە، واتش:" کۆمۆنەکاو تا مەجلیسەکا، گردشا دەسکەوتێنێ، ئێمە ڕەخنەما هەن، بەڵام نمەبۆ تەمام سیاووینێ بیمێ. هجووموو دەوڵەتوو تورکی پەی سەروو ئەرەمەرزیا خزمەتگوزارییەکا هەن. ئەرەمەرزیێکێ دژوو ئا هجووما هەرمانە مکەرا، دروس نییەن دژوو ئەرەمەرزیایەکا بمرددمێوە، تا مەردەی ئینایمێ چەنی دەسکەوتەکاو شۆڕشی.

یۆ جە دەسکەوتەکاو شۆڕشوو کوردی، وەشکەردەی هۆشیاریی تازەین، ئەگەر ژیوای بەپاو ئی هۆشیارییە تازەیە ڕێک بوزیۆ، ئانە شۆڕشا،مدرامانوو کوردی پەی ژیوایێوە تازەین، ئی کۆشیایە شۆڕشوو ئێمەنە مکریۆ، بە پاگێرتەیرەوە هەوڵێ مدانە ئی ئەرەمەرزیایاما بماڕا، وەلێ ئی ئەرەمرزیێ پەی ژیواێوە تازەینێ، بە هامپەیمانیی گەلا ڕاما گێرتە جە پلا فرە و فراوانەکا".

"بناغەو چارەسەروو کێشەکاو سوریای سەروو چارەسەروو دۆزوو کوردیوە بەندێنێ" پی قسا ئیلهام ئەحمەدە تیشکەش وستە سەروو نزیکایەتیی حکومەتوو شامی، وەراوەروو  کێشەکاو سوریایوە سەروو چارسەروو دۆزوو کوردیوە و واتش پەنەوازا  مافوو زوانی کوردی بوزیۆ دلێ دەسوور سوریایوە، پەنەوازا مافی سەرەتایی ئێمە بیاویۆ یاگێ، پنەوازا مافوو وێڕێکوستەی یاگەدار بکریۆ، دەسەڵات چیولای بفاڕیۆ، سیستموو لامەرکەزی قبووڵ بکریۆ و دەوڵەت لامەرکەزی بۆ. ڕژێم تەنانەت جە دایپەنەی ٢سەعاتا پەروەردەی بە زوانی کوردی ورمێ، مۆڵەت بە پارتێوە کوردی نمەدا.

دەوروو گلێرگەی

ئیلهام ئەحمەدە تیشکەش وستە سەرو ڕێککەوتەی پارتە کوردییەکا و ئەرەیاوناش پەنەوازا گەل دەور بگێڵنۆ، واتش:" ئەگەر بارەو ڕێککەوتەی کوردی یا نەتەوەییەوە دلێ پارتە کوردییەکانە یاواینەی نەبۆ، یانێ ڕیککەوتەی نەتەوەیی نییەن، یاواینەی جە یۆی ئاستی فرە باڵانە گرنگەن، وەلێ واتەی بەبێ ئینەیە نمەبۆ واوەی غەڵەتا و گلێرگە متاوۆ چی ڕووەوە، دەور بگێڵنۆ. گەر گلێرگە چی ڕووەوە پا بگێرۆرە، ئیرادەش بۆ، باوڕ بکەردێ پارتەکێ هەفتێوەنە سەروو میزێوە گلێرێ باوە. هەڵای گلێرگە دەورش نەگێڵنان. یا هەرمانەشا نەوستێنە سەروو شانەی یا پارتەکێ ناستەنشا دوەی گولانەشا بۆ، مشۆم گلێرگە بواچۆ یا شمە بەیدێ، یا پاسە نمەواچدێ گرتا پێوەرە قبووڵ نمەکەرمێ، پەنەوازا گلێرگەکەما وێش بکەرۆ داراو دیدگای و پڕۆژەی".

فرسەتی گەورەتەر هەن

ئاخرۆ ئیلهام ئەحمەدە واتش، فرسەتێ و تەرسی وەردەموو کوردینە هەنێ و واتش:" پاگێرتەیرە سوریا و عێراق و تورکیانە کە ئشناسنامەو کوردین، قبووڵش نمەکەرمێ، پەی نموونەی پانیشتەنە گردوو دەسکەوتەکا زەوتێ کریێنێ، پی ڕێککەوتەیەو دمایی تورکشا ئاردەرە بەعشیقە، یانێ دۆسیەو عێراقی لاو تورکیاوە  مکریۆ. هەوڵێ هەنێ گردوو دەسکەوتەکاو کوردی دلێنە بەرا. دەوڵەتوو تورکی پەی ناستەی سەرنیشتی و وەرکەوتوو سووریای گرد هەرمانێوە مکەرۆ، دێرەزوور نموونە، دیای ئینەیچ ئاندە تاریک نییەن، تەرسی هەنە وەلێ فرسەتوو سەرکەوتەیچ هەن، وەلێ پەنەوازییش بە خاوەنداریی و پارێزنایا".

وۆرک شۆپەکە بە تاوتۆکەردەی بەردەواما.