ئیسرائیل: ئامانجما دلێنەبەردەی گەلوو فەڵەستینی نییا
ئیسرائیل دژوو تۆمەتەو قڕکەردەی لاو ئەفریقاو پانیشتیوە، وەرگێرییش جە وێش کەرد. ڕۆو جمعەی دادگاو باڵاو نەتەوە یۆگێرتەکانە، ئاشکراش کەرد کە ئامانجما دلێنەبەردەی گەلوو فەڵەستینی نییا.
مانگەی وەڵینە ئەفریقاو پانیشتی داوێوەکتوپڕەش ئاڕاسەو نوسیگەو دادگای میانەتەوەیی کەردە و بانگەشەو ئانەیش کەرد، کە ئیسرائیل دماو قڕکەردەی یەهوودییەکا، پەیمانەو قڕکەردەی نەتەوە یۆگێرتەکاش پاشێلە کەردێنە. ئی پەیمانێ ساڵەو ١٩٤٨ ئیمزێ کریێنە.
دماو ئانەی پارێزنەراو ئەفریقاو پانیشتی لاهاینە ١١ کانوونوو دووەمینە سیمینارێوەشا کەرد، ئیسرائیلیچ وەرگێرییش جە وێش کەرد.
پارێزنەری ئیسرائیلی تال بەکر ئاماژەش دا، کە پێوەس بە جەنگووغەززەی، ئەفریقاو پانیشتی ڕسمێوە نایاسایی و نادروسش پێشکەشوو دادگای کەردەن.
بەکر دیارییش کەرد، کە هجوومەکاو حەماسی دڕندانێ بیێنێ و پێوەس پی هجووما بەڵگەی ڤیدۆیی ئا هجووماشا تەسلیموو دادوەرا کەرد و واتش: "کە جوابەکاو ئسیرائیلی ڕەوێنێ و پەی وێپارێزناینێ و خەڵکی بێدیفاعشا بەئامانج نەگێرتەن، جەنگوو ئیسرائیلی دژوو حەماسین نەک گەلوو فەڵەستینی".
ئیسرائیل دۆزەکێش وەردەموو یۆبییەی ئەورووپاینە بە بێبنەما زانێ و ڕەتش کەردێوە، ڕۆو پەنجشەمەی سەرۆکوەزیرانوو ئیسرائیلی بنیامین ناتانیاهۆ ئەرەیاوناێونە ناڕەزایەتییش بەروست وەراوەر بە تۆمەتبارکەردەی ئیسرائیلی بە قڕکەردەی.
