ئیستەنبوڵنە؛ ٣٨ کەسۍ جە گیریایا ١و ئایاری زینڎانی کریۍ
ئیستەنبوڵنە ٣٨ کەسۍ کە جە ١و ئایاری ڕۊو جیهانی کرێکارانە گیریێبێنۍ، قەراروو زینڎانیشا پەی بەرشی.
ئیستەنبوڵنە ٦٥ کەسۍ مېڎانوو ساراچخانەینە جە ١و ئایاری جەژنەو کرێکارانە گیریۍ، دماو ۋشکنای تەندروستی، هێزی فاڕیێوە پەی دادگاو ئیستەنبوڵی جە چاغلایان.
١٣ کەسێشا بە شەرتەو چەمڎاری دادی ئازاڎۍ کریۍ. ٥٢کەسێچ بە داواکاری گێرتەی و بە بانگەشەو "مردایۆ ۋەرا ۋەر بە یاساو قەڎەغەی ڕاپیمای و ۋێنیشاندای و گلېرۊبیەی"، "پرووپاگەنڎە پەی رێکوزیای" و "ۋەرەنگاربیەیۆ کاربەدەسا گلېرگەی" روانەو دادگای کریۍ.
کۆو ئا ٥٢ کەسەینە ١٤ کەسێشا دادگانە بە شەرتەو چەمڎاری ئازاڎۍ کریۍ و قەراروو گێرتەی و زینڎانیکەردەی پەی ٣٨ کەساشا بەرشی.
