ئیستەنبوڵنە جە ٢٣ ۍ ئابینە ٥ کەسۍ دەسبەسەرۍ کریۍ دلێشانە هامسەرۆکاو دەم پارتی ناوچەو ئەسینیورتی، ڕۆژدا یەڵمازە و عەبدوڵا ئارینان بێنۍ. بە بەهانۍ ئانەی جە دەورەو تۆپەو پەیا گوڵستان دۆکوینە، هۆرپڕێنۍ و گۆرانیەو "بێریتان"ێشا واتێنە، دەسبەسەرۍ کریێنۍ.

یەڵمازە و ئارینان دماو تەمامبیەی ئیفادەکەیشا جە داواکاری گرڎینە، بە تۆمەتەو ئانەی کە "پروپاگەنڎەشا پەی ڕێکوستەی کەردەن" ڕەوانەو دادگای کریۍ ٣ کەسەکەی تەر بە تۆمەتەو "پروپاگەنڎەی پەی ڕێکوستەی " و "ئەندامیەتی ڕێکوستەی" ڕەوانەو دادگای کریۍ. دماو ئیفادەدایشا جە دادگانە یەڵمازە و ئارینا بە شەرتەو چەمڎاری یاسایی ئازاڎۍکریۍ، ٣ کەسەکەی تەر کە نامێشا نەزانیان، وزیۍ کونجو زیڼانی.