تەڤگەرو ژەنە ئازادا (تەژەئا) و پارتو هەرێمە دیموکراتیکەکا (دەبەپە) بوجاو ئەزمیرینە بە بۆنەو ٧٥ەمین ساڵیادو ڕۆوبییەیی ڕابەرو گەلو کوردی عەبدوڵا ئۆجالانیوە، نەمامێ نریێ. چندین کەسێ بەشدارێ چالاکییەکەی بێنێ و هاموەڵاتێ چندین داریێ بەریێشا نیێ. چالاکییەکەنە چندین جارێ درووشمو "بژیوۆ سەرۆک ئاپۆ"ی و "ژەنی، ژیوای، ئازادی"ی بەرزێ کریێوە.

هامسەرۆکو کۆمەڵەو هامکاری و پەشتیوانیی قەومە گومبییاو ئەنادۆڵ (ئانیاکای-دەر)ی، ڕەحیم توران قسێش کەردێ، ٤و نیسانیش وەنەو گردو گەلا مەبارەک کەرد، داواو ئازادیی ڕابەرو گەلو کوردی عەبدوڵا ئۆجالانی و زیندانییە سیاسییا کەرد.

ڕحا

بە بۆنەو ٧٥ەمین ساڵیادو ڕۆوبییەیی ڕابەرو گەلو کوردی عەبدوڵا ئۆجالانیوە قەراخوو ڕووبارو فوراتیوە، کە مەنتێقەو هەواگو ڕحایۆ مجیۆرە سەرنیشت و وەرکەوتو سوریای، نەمامێ نریێ. سەرو ئا داراوە لاو  پەشتیوانیی تەلەبە دیموکراتیکاو حەرانی و مەجلیسو گەنجاو پارتو یەکسانی و دیموکراسیی گەلا (دەم پارتی)ی ڕحایۆ نریێبێنێ، قسەکاو ڕابەرو گەلو کوردی عەبدوڵا ئۆجالانی نویسیێ.

نامێ ئا کەسا کە کۆشیای ئازادی و دیموکراسیینە گەشمەردێ بیێ، دارەکاوە ورواسیێ. گەنجێ ئەوەخوایشا کەردۆ، دژو گۆشەگیری نەمامێشا نیێنێ و پێویسا دەمودەس ئازادی جەسەیی ڕابەرو گەلو کوردی عەبدوڵا ئۆجالانی بێ دی. گەنجەکێ بە ٧٥ سەتڵە ئاوێ ڕووبارو فوراتیوە، نەمامەکێشا ئاوی دێ.