ژمارېوە کۊڵبەرۍ تەرۍ بەتەقەو هېزەکا ئېرانی بیۍ بە قوربانی
بە ئامانج گېرتەی کۊڵبەرا جە مەنتیقە سنوریەکا ۋەرکەوتوو کورڎسانی زیاڎش کەرڎەن و جارېوەتەر ژمارېوە کۊڵبەرۍ بە مەڵامەتوو تەقەی ڕاسەوخۊ و هېزەکا ئېرانی بیۍ بە قوربانی.
کۊڵبەر نیوز ۋەڵاش کەرڎەنۊ، ڕۊو ١ و تشرینی یۋەمی، جە ئاکام و نیایرەی کەمینی و تەقەی ڕاسەوخۊ و هېزەکا سەر بە دۊڵەتوو ئېرانی جە مەنتیقەو سنوری "تەتە"و هۊرامانی نزیک دەگاو دارکۍ جە پۊلۍ کۊڵبەرا، کۊڵبەرېوە کوشیان و چن کۊڵبەرېوەتەریچ زامڎارۍ بیېنۍ.
بەپاو زانیاریەکا ماڵپەڕەکەی، هەمان ڕۊ جە مەنتیقەو سنوری نودشەی جە سنوروو پاوەی سەر بە پارېزگاو کرماشانی، کۊڵبەرېوە جە لایەن و هېزەکا ڕژېمیۊ کریان ئامانج و زامڎار بیەن. ئانەیچ وزیان ڕووە، ئا کۊڵبەرە جە وەختېنە تەقەش ۋنەکریان، کە حیچ کۊڵېوەش پنە نەبیەن.
ئینەیچ جە وەختېنە جە ماوەو ٢ حەفتا ۋیەرڎەینە، بە ئامانج گېرتەی کۊڵبەرا جە مەنتیقە سنوریەکا ۋەرکەوتوو کورڎسانینە جە لایەن و هېزەکا سەر بە دەسەڵاتیۊ چڕتەر بیەنۊ و چا ماوەنە چنڎین کۊڵبەرۍ بەتەقەی ڕاسەوخۊو ئا هېزا کوشیېنۍ و زامڎارۍ بیېنۍ.
