ڕژێموو ئێرانی ٨ کوردێش گێرتێ
تۆڕەو مافیوو ئینسانوو کوردسانی ئەرەیاوناش، کە ٨ کوردێ بەشداریی جە ئاهەنگەکاو نەورۆزینە، ڕژێموو ئێرانی گێرتێنێ.
تۆڕەو مافوو ئینسانوو کوردسانی بەیاننامێونە ئەرەیاوناش، حەفتەی وەڵینەنە ڕژێموو ئێرانی ٨ کوردێش شارەکڵەو گیلانوو سەر بە پارێزگاو کرماشانینە گێرتێنێ.
مافوو ئینسانوو کوردسانی ئەرەیاونانش، ئا هاموەڵاتێ بۆنەو بەشداریکەردەیشاوە، ئاهەنگوو نەورۆزوو ئێساڵینە گیریێنێ.
نامێ ئا هاموەڵاتە گیریایا ئینێنێ:"موحسین ئێسفەندیاری، ئاراش ئەلفەتی، ماریا خانی، جەهانگیر ئازادی، لوتفوڵا پەروێزی، حەمید ڕەزا ڕەحمیان، سەلمان پەرهان و مستەفا ڕۆستەمی".
یاگێ واتەینە دماو مەبارەکباییەکاو جەژنەو نەورۆزیوە تا ئیساتێ فرەو هاموەڵاتاو شارەکاو وەرکەوتوو کوردسانی بەتایبەت هونەرمەندێ بۆنەو بەشداریی ئاهەنگەکاو جەژنەو نەورۆزیوە،ڕژێموو ئێرانی گێرتێنێ و سزاو زیندانیشا دریێنە ملەرە.
