ڕژێموو ئێرانی "ساڵح نیکبەخت"وو پارێزەروو کەیسوو "ژینا ئەمینى"یێش چڕیەنرە داڎگا

ڕژێموو کۊماری ئیسلامی ئێرانی زەختی سیاسی و دادوەرییش وستەن سەروو پارێزەرەکەو ژینا ئەمینیۍ و و داداگاییش کەرۊ.

ساڵح نیکبەخت کە پارێزەروو کەیسوو "ژینا ئەمینى"ێن جە لاو دەسەڵاتداراو ئێرانیوە، چڕیانرە داڎگا و بە مەبەسوو داڎگاییکەرڎەیش و ئارۊ بە کەفالەت وەر بییەن.
بە پاو زانیارییەکا داڎگاییکەرڎەکەیش بۊنەو پارێزنای کەیسوو دۊسیەو کوشتەی "ژینا ئەمینی'یێن.
پارێزەر "ساڵح نیکبەخت" یۊ  جە پارێزەرە کورڎە دیارەکاو ئێرانین جە ٤٠ ساڵى ویەرڎەنە بەتندی پارێزگاریش جە مافەکاو کورڎ کەرڎەن، پارێزهرۍ نامییەو كوردسانی و ئێرانین، پارێزنای کەیسوو  "ژینا ئهمینی"یش گێرت وێش، بهتۊمهتوو پروپاگهنده و چالاكی دژوو کۊماری ئیسلامیی ئێرانی،  دادسرای گرڎینوو و شۊڕشوو ئێرانی تاراننە چڕیەنوو به كهفالهت تا ڕۊو داڎگاییهكهیش ئازاد كریان.

پارێزهروو نامڎاروو كورڎسانی و ئێرانی دكتۊر "ساڵح نیكبهخت" كه پارێزهروو یانەو "ژینا ئهمینی"یۍ ئیسەنە ئسناسییان، به تۊمهتوو پڕوپاگهنڎهی و چالاكی دژوو ڕژێموو کۊماری ئیسلامیی ئێرانی، لاو داڎسرای گرڎینوو و شۊڕشوو ئێرانیوه چڕیانرە تاران و بهكهفالهت تا ڕۊو داڎگاییەکەیش ئازاڎ کریان.

دكتۊر"ساڵحی نیكبهخت" یۊ جەئەکتیڤتەرین پارێزهرهو چالاکا مافوو ئینسانین ئێراننە، جگە کەیسوو "ژینا ئەمینی'ۍ، وەرگێرییش جە کەیسوو چندین چالاکا تەری کەرڎەن پێسە: "کەیسوو دكتۊر هاشمی ئاغاجهری، کەیسوو حهبیبی لوتفلاهی، کەیسوو حهسهن ڕهمهزان سولوی، کەیسوو عهدنانی حهسهنپووری، کەیسوو هیوا بوتمیار"ی و کۊڵۍ کەیسۍ تەرێچ ئیراننە.
جگە چانەی تاریخوو هەرمانەو  "نیكبهخت" چینەی زیاڎتەرا و ڕۊنامهنویسێوە نامییەو ئێرانی و كوردسانی بییەن وەڵۍ شۊڕشوو گهلاو ئێرانیچنە ڕۊنامهو "كهیهان"ینە ماوۍ فرە ڕۊنامهوانۍ پیشەیی بییەن، نزیكهو "4" ساڵا لاو ڕژێمی پههلهویوە، زینڎانی كریان.

مەرگوو "ژینا ئەمینی"ۍ کناچە کورڎەو خەڵکوو سەقزی  16 و مانگەو 9 و ساڵۍ ویەردێنە، لاو  پۊلیسوو ئەخلاقوو تارانیوە، بە بەهانۍ نەپۊشتی حیجابیوە بەزۊر گیریا، وینیشاندایۍ سەرتاسەرییش ئێراننە نیاوە. کە بە شۊرشوو "ژینێ" یان شۊڕشوو "ژەنی، ژیوی،ئازادی" ئشناسیا، دلێشنە هەزاران کەسۍ کوشیۍ، کەیسوو "ژینا ئەمینی"ی ئی ڕۊنامەنویس و پارێزەرە نامییەشە بە نەوەی تازەی ئشناساوە، پی مەڵامەتۊ چڕیارە داڎگا.

س.ز