ژەنۍ گەنجۍ و گەنجۍ ۋڵاڎپارێزۍ: "بە ڕوحو ١٤و تەموزی ۋەردەوامۍ بیمۍ جە کۊشیای"
گەنجۍ ۋڵاڎپارێزۍ و ژەنۍ گەنجۍ کۊششکەرۍ، داوا جە ئازاڎیوازا کەرا بە روحو مدرامانو ١٤و تەموزی کۊشش کەرا دژ بە سیستمو ئەشکەنجەدای".
ۋېرەگاو هېزی جومعەی، جەمەو گەنجا ۋڵاڎپارێزو کورڎسانی و ژەنۍ گەنجۍ کۊششکەرۍ، شارو کەرکوکینە کۆنگرېۋە ڕۊنامەوانیشا ئەنجامدا و چنەشەنە بەیاننامېۋەشا ئاڕاسە و ڕایگرڎی و تەمامو ئازاڎیوازا و ڕێکوزیا میان دەوڵەتییەکا کەرڎ،
جە بەیاننامەکەنە گەنجەکۍ ٤٠ەمین ساڵیاڎو مدرامانو ١٤و تەموزیشا ۋیرئاورڎۊ و بەروحو مدرامانیۊ داواشا جە ئازاڎیوازا کەرڎ کە دژ بە سیستمو ئەشکەنجەدای مرڎاۋە، حەرپاسە بۍ هەڵۋێسی کۆمەڵگای میان دەوڵەتی و ڕێکوزیاکا مافو مرۆڤیشا ئیڎانە کەرڎ کە ۋەران ۋەر بە گۆشەگیری سەرو ڕابەرو گەلوو کورڎی ڕابەر ئۆجەلانی بۍ هەڵۋیسېنۍ و بۍ دەنگیشا هۊرچنیەن، گەنجەکۍ تەئکیدشا کەرڎۊ کە بەروحو مدرامانو ١٤و تەموزیۋە ۋەردەوامۍ با جە خەباتی و ئەرەکۊشای.
١٤و تەموزیەنە مدرامانېۋە گۊرە کریا
زریان کەرکوکی بەنامۍ گەنجاوە بەیاننامەکەش ۋەناوە کە چنەشەنە ئامابۍ: "ئێمە پېسە جەمەو گەنجا ۋڵاڎپارێزو کورڎسانی و ژەنا گەنجی تێکۆشەری بەڕوحو ١٤و تەموزی کە مدرامانېۋە گۊرە کریا، بە سەرمەشقی حەر یۊ جە گەشمەرڎا (محمد خەیری دورموش، کەمال پیر، عاکف یەڵماز، عەلی جیجەک)ی جە زینڎانو ئامەڎی، حەتا دما هەناسەشا بە قەناعەتېۋە فرە گۊرۊ کۊشیایایشا کەرڎ پۍ گەلەکەیشا، ئارۊیچ بەهەمان شێوە گەریلاکۍ ئازاڎیی کورڎسانی جە کەشە سەرکەشەکا کورڎسانینە گیانو ۋېشا بەخشا پەی شەرەف و کەرامەتو ئێمە و نیشتمانەکەیما بەدڵ و بەگیان پارېزناش"
"شان بەشانو گەریلای کۊشش کەرڎۍ"
حەرپاسە جە درێژەو بەیاننامەکەو گەنجەکانە ئامان: "پۊکاتی بانگەواز کەرمۍ پۍ حەرچوار پارچەو کورڎسانی و ئازاڎیوازا و بەتایبەت بانگەوازیما پۍ شارو کەرکوکی ئانەن کە خۊتانکەرڎەی جە گەریلا ئازاڎەکا کورڎسانی کەرا و شان بەشانشا کۊشیای گۊرەتەر کەرا دژ بە سیستمو ئەشکەنجە و سەرو ڕابەرو گەلا ڕابەر ئاپۆی هەڵۋێسی جدیشا بۊ".
"گەنجۍ و ژەنا دژ بە سیستمو ئەشکەنجەدای هەڵۋێسشا بۊ"
زریان کەرکوکی ئەرەیاۋناش: "ئانە ماوەو ٢٨ مانگان حیچ هەواڵېۋە سەرو ڕابەر ئاپۆی نیا، کە ماۋۍ چېۋەڵتەر هەواڵێۋە جە لایەنو ئەنڎامو کۆنسەی ڕاۋەبەری کەجەکەی 'سەبری ئۆک'ی جە بەرنامۍ تایبەتەنە ئەرەیاۋناش کە نامۍ هەڕەشە ئامېزۍ بە ڕابەر ئاپۊی دریېنۍ نامەکېچ بۍ نامونیشانېنۍ، بانگەوازیما پۍ گەنجا و ژەنا ئانەن کە دژ پا سیستمو ئەشکەنجەیەی کە جە لایەنو دەوڵەتە گۊرەکاوە ڕاۋەبەرکریۊ هەڵۋێسی جدیشا بۊ".
"ئانۍ بانگەواز پۍ مافو مرۆڤی کەرا بۍ هەڵۋێسېنۍ"
سەبارەڎ بە بۍ هەڵۋێسی ناوەنڎە میان دەوڵەتیەکا ئا ئەنڎامەو گەنجا ۋڵاڎپارێزی ئاشکراش کەرڎ: "ئێمە پېسە گەنجا ۋڵاڎپارێزو کورڎسانی و ژەنا گەنجی تێکۆشەری، بۍ هەڵۋێسی (سی پی تی CPT) و نەتەوە یۊگېرتەکا UN ی و مافو مرۆڤو ئەوروپای شەرمەسار کەرمۍ، کە بەنامۍ پارېزناو مافو مرۆڤیۊ ۋېشا نیشانە مڎا، بەڵام ۋەران ۋەر بە فەیلەسوف و ۋیرەمەندا گەلوو کورڎی و گەلا جەهانی حیچ هەڵۋېسێشا نیا".
"خیانەتو خانەواڎەو بارزانی شەرمەسار کەرمۍ"
جە دمادمایی بەیاننامەکەینە ئیڎانەو خیانەتو خانەواڎەو بارزانی کریا کە نۆکەری پۍ ئەرەگیرا کەرا، جە بەیاننامەکەنە ئامان: "جە لایۍ تەرۊ خیانەتو خانەواڎەو بارزانی ڕسواو شەرمەسار کەرمۍ، و ماچمۍ ڕۋۍ حەقەو گرڎو گەلوو کورڎی جە شەخسی خانەواڎەکەیتا جە گرڎوو ئا دەوڵەتا مسانمۍ کە دەسشا جە ۋنەو حەر کورڎېۋە بەشەرفینە بیەن، وە پەنەوازەن گرڎ کورڎېۋە بەشەرەف سەربەرز بۊ ۋەران ۋەر بە تاریخو پەڕ جە قارەمانی گەلوو کورڎی".
چالاکیەکە بە ۋاتەیۊ دروشمەکا "(بژیۋۊ سەرۆک ئاپۆ ، بژیۋۊ سەرۆک ئاپۆ ، بژیۋۊ سەرۆک ئاپۆ) و "ڕسوایی و شەرمەساری پۍ ئا دەوڵەتا کە ۋېشا بەدیموکرات واز منیارە و بۍ هەڵۋێسېنۍ" دمایش پنەئاما.
هـ . ش
