ژن نیوز: جە ساڵەو ٢٠٢٣ ېنە لاوکەمیۆ ٣٢٠ ژەنۍ کوشیێنۍ
بە پاو ئامارێوە ژن نیوزی، جە ساڵەو ٢٠٢٣ ېنە لاوکەمیۆ ٣٢٠ ژەنۍ جە لایەنوو پیایاوە کوشیېنۍ و ١٨٩ ژەنېچ بە شێوېوە گوماناوی ژیوایشا جە دەسدان.
ژن نیوز ئامارەکۍ پەیوەس بە تنووتیژی دژوو ژەناش جە ساڵەو ٢٠٢٣ وەڵاکەردێوە، کە بە پاو ئامارەکۍ ساڵەی ۋیەردۍ لاوکومیۆ ٣٢٠ ژەنۍ کوشیېنۍ و ١٨٩ ژەنیچ بە شێوېوە گوماناوی گیانشا جە دەسدان. فرەو ئا ژەنا جە لایەنوو ئا پیایاوە کوشیېنۍ کە کەسۍ نزیکوو ۋېشا بیېنۍ.
حەر بە پاو ئا ئامارۍ ژن نیوزی، جە ماوەو ساڵەی ۋیەردێنە فرەتەرین ژەنی جە مانگەو تشرینوو دووەمی/ نۆڤەمبری کوشیېنۍ، کە ژمارەشا ٣٦ ژەنی بیێنۍ. حەرپاسە جە مانگەو کانونوو دووەمیچەنە ٣١ ژەنی کوشیېنۍ. جە مانگەو کانونوو یووەم و ساڵەی ۋیەردېچەنە ٢٠ ژەنی کوشیێنۍ.
