ژنێڤنە گەشمەرڎۍ یاڎۍ کریێوە
بنەیانەو گەشمەرڎا ژنێڤنە کوۍ بیێوە، گەشمەرڎێشا یاڎۍ کەرڎێوە و واتشا: "پارتەکەتا ئارۊ بییەن بە هومێدوو ملوێنا، هێزوو وێش جە میراتوو گەشمەرڎاوە ورگێرۊ".
بنەیانە و قەوماو گەشمەرڎاو ئازاڎیی کورڎسانی شاروو ژنێڤینە کوۍ بیێوە و گەشمەرڎێشا یاڎۍ کەرڎێوە.
یاڎەکە جە کەسێتیی سارا توڵهەڵدان گۊی (دلارا ئۊرپەر)ۍ و ڕوکەن زەلال (ئەمەل فەرمەز حوسێن)ێنە کە ٢٦ ئەیلوولوو ٢٠٢٢ مێرسیننە چالاکیی فیداکارییشا کەرڎ، ڕۊژهات زیلان (ئۊزکان شاهین) و ئەرڎاڵ شاهین (حەسەن ئۊزگوز)، کە ١ تشرینوو یوەموو ٢٠٢٣ دژوو وەزارەتوو دلۍ تورکی چالاکیی فیداکارییشا کەرڎ و جیهاد باگۊک (محەمەد گوموش) و ساسۊن ئاسمین (موراد ئۊچاک) کە ١٣ کانوونوو دووەمینە لە زاپ و ئاڤاشین و مەتینا گەشمەرڎۍ بیۍ، بە دەیەقێوە ڕێزگێرتەی دەسش پەنە کەرڎ.
چالاکییەکە کۊمیسیۊنوو بنەیانەو گەشمەرڎاو ناوەندوو جڤاکوو کورڎی دیموکراتیکوو ژنێڤ (جەدەکە-ژە)یوە، هۊڵوو کۊنفرانسوو مهاتما گاندیینە کریا، ڕسموو گەشمەرڎا هۊڵەکەنە نریارە.
چالاکییەکە بە دەیەقێو ڕێزگێرتەی پەی یاڎوو گەشمەرڎاو ئازاڎیی کورڎسانی دەسش پەنە کەرڎ، بە نامۍ کۊمیسیۊنوو بنەیانەو گەشمەرڎا ڕەزا چەتین کایا تیشکەش وستە سەروو گرنگیی هەرمانۍ و وەرپەرسیی وەراوەروو گەشمەرڎاوە.
دمایی قسەکەروو ئەرەمەرزیاو بنەیانەو گەشمەرڎاو ئەورووپای (کۊماو) عەلی هەڤاڵ تیشکەش وستە سەروو ڕۊو تەڤگەروو ئازاڎیی کورڎی و واتش: "پەکەکە تەڤگەروو قوربانیدای و هەقۊساناین. دماو گەشمەرڎەبییەی حەقی قەراریوە، ڕابەر ئاپۊ هەقەی حەرەگەورێش بە ئەرەیاونای ئەرەمەرزنای پەکەکەی ساناوە. پارتەکەما ئارۊ بییەن بە هومێدوو ملیۊنا، هێزوو وێش جە میراتوو گەشمەرڎاوە ورگێرۊ. ئەگەر ئێمە متاومۍ داوایەکاما پەی ڕابەری ئازاڎی و کورڎی ئازاڎی و کورڎسانی ئازاڎی بەروزمۍ، ئینە ئەنجاموو قوربانیدای گەشمەرڎان".
دمایی قەومۍ گەشمەرڎا قسێشا کەرڎۍ و هەستوو وێشا بەروست، یاڎەکەنە سینڤزیۊنێوە و چند بەشێوە جە نرخنایەکاو ڕابەروو گەلوو کورڎی عەبدوڵا ئۊجالانی سەروو ڕاسیی گەشمەرڎا نیشانە دریۍ، دمایی سینڤزیۊنێوە تەر بارەو کۊشیای جیهاد باگۊکی و ساسۊن ئاسمینی تەماشە کریا.
چالاکیییەکە بە درووشموو "گەشمەرڎۍ مەمرا" دماییش ئاما.
