تەڤگەرو ژەنە ئازادا (تەژەئا) پەی شەرمەزارکەردەی هجوومی ڕەگەزی ئەفسەرێوی سەروازی تورکی پەی سەرو ژەنێو شەرناخنە، نسێبینو مێردینینە ڕاشا پیما. ڕاپیمایەکەنە درووشمو "ژەنی، ژیوای، ئازادی" و "بژیوۆ مدرامانو ژەنا" و "بژیوۆ مدرامانو زیندانی" و "وەنەپەرسایوە جە چەتە گێچەڵکارەکا مکەرمێ" بەرزێ کریێوە.

دمایی چالاکەو تەژەئای ناهیدە ئولگەرا ئەرەیاوناێوەش وەناوە و تیشکەش وستە سەرو سیاسەتو جەنگی تایبەتی دژو ژەنا و زارۆڵا و واتش، ئەفسەری تاوانبار مپاریزنیۆ.

ئولگەرە واتش لاو تەڤگەرو ئازادیی ژەنا و گەلی شکۆمەندیماوە، سیاسەتو جەنگی تایبەتی پووچەڵ کریانۆ، جەختش کەردۆ، پێسەو ژەنا وێپارێزنای قەوەتتەر مکەرا.

هامسەرۆکو دەبەپەی، چیدەم کلیچگون ئوچارە واتش بۆنەو سیاسەتو دەسەڵاتو ئاکەپە-مەهەپەیوە کوشتەی و تندوتیژیی سەرو ژەنا گلێرگەنە و یانەکانە زیاتەر بییەن، کوردستاننە سیاسەتو جەنگی تایبەتی دژو ژەنا وەڵێ موزیۆ، پەوکاتی تاوانبارێ بەئاسانی کوردستاننە تاوان دژو ژەنا مکەرانێ، بەڵام ژەنی گرد یاگێونە وێشا ڕێک وستەن و واتش: "ئێمە دژو ئاکەپەی وێما ڕێکێ وزمێ، واوەی واتش "ژەنی، ژیوای، ئازادی"ی دژو ئاکەپەی و دەوڵەتی پیاسالاری ئەوەخوای مکەرمێوە ".

ئەرەیاونایەکە بە درووشمو "ژەنی، ژیوای، ئازادی"ی دماییش ئاما.