سەبارەت بە گۆشەگیریی هەسوو سەروو ڕابەروو گەلوو کوردی عەبدوڵا ئۆجالانی و ٢٥ەمین ساڵیادوو پیلانگێڵنی میاننەتەوەیی ١٥و شوباتی، شاروو ستاڤراپۆلوو ڕووسیای ژەنێ کۆنفڕانسێوە ڕۆنامەوانییشا کەرد و ئەرەیاوناێوەشا واناوە.

ئەرەیاونایەکە لاو ئەنداموو ئەنجوومەنوو ژەناو مەنتێقەکەیۆ کوبار میگۆیێڤایوە ونیاوە. ئەوەڵوو ئەرەیاونایەکەینە  پیلانگێڵنیی میاننەتەوەیی ١٥و شوباتوو ١٩٩٩ شەرمەزار کریا، کە ئەنجامنە ڕابەروو گەلوو کوردی عەبدوڵا ئۆجالانی بە دیل گیریا.

ئەرەیاونایەکەینە  باس چانەیە کریان، کە ماوەو چند ساڵێن نە بنەیانە و نە پارێزنەرێ نمەتاوا چەمێشا بە ڕابەروو گەلوو کوردی عەبدوڵا ئۆجالانی گنۆ و ئانەیچ ئامان، "ئێمە گەرەکما نیا ئیتر سەرۆکما دلێ چوارانە بۆ. ئێمە پێسە  ژەناو کوردی داواو ئازادی سەرۆک ئاپۆی کەرمێ. ئێمە سڵام جە مدرامانوو زیندانەکا کەرمێ".

دماو وانایۆ ئەرەیاونایەکەی ژەنی دروشمەکاو "ژەنی، ژیوای، ئازادی"ی و "بژیۆ سەرۆک ئاپۆ"یشا واتێوە.