ژەنی گەنجۍ هەرێموو فوراتی پەی پەشتیوانی جە سەرەورڎایەکاو وەرکەوتوو کورڎسانی و ئێرانی بە دروشموو "ژەنی، ژیوای، ئازاڎی، ئازاڎی سەر وزە" کووی بیێوە. ژەنی کۊبییەیۊکەینە پۊستەرێوەشا بەرز کرڎەبێوە، کە سەرشۊ نویسیابۍ "ژەنی، ژیوای، ئازاڎی"، کۊبییەیۊکە بە ڕێزگێرتەی جە گیانی پاکوو گەشمەرڎا دەسش پەنە کەرد.

دماو ڕێزگرتەکەی، بە نامۍ کۊمیتەی ئامادەکاریوە واچێوە پێشکەش کریا و ئەرەیاونیا: "دایمە هجوومۍ کەرا سەروو بەهاکاو ئی شۊڕشی و ئی گلێرگەیە. ئەگەر گێڵمێوە پەی تارێخی و پەی کۊشیایەکاما، ئێمە کەسانۍ فرە وەرگێرۍ و کۊشیەرۍ وینمۍ، کە وەراوەروو دەسەڵاتیوە ئەرەپڕێنۍ، ئێمە هەڵمەتەکەما جە ڕۊو ٢٨وو ئازاریوە دەس پەنە کەرمۍ، کە دماین ڕۊو حەفتەو قارەمانیین، هەڤاڵ عەگید، بە مدرامانوو وێش گولـلۍ یووەمینەش نیا دڵ و مەژگوو دوژمنیوە".

ئینجا "میدیا محەمەد"ە، ئەندامەو یۊبییەی ژەنە گەنجاو منبج-ی واتش، گرڎشا مزانا، کە ئی شۊڕشە شۊڕشوو ژەنان و واتیچش: "ئی شۊڕشە بە ژەنا سەر گنۊ، ژەنی  دژوو سەرمایەداری و دەسەڵاتداری درێژە بە ڕاو مدرامانی مدا و حەرگیز وەراوەروو دەسەڵاتینە سەرە مەکۊمنارە، تەنیا و تەنیا سەروو ڕاو مدرامانیوە ملا ڕارە. نموونەکاو ئانیشایچ "ساکینە" و "ئارین"ەنۍ. ئانا "ژەنی، ژیوای، ئازاڎی" بییەن دروشموو گرڎوو ژەناو دنیۍ، کە ئانەیچ ئیرادەو ڕابەر ئاپۊین".

دماتەر لاو ناوەندی ڕۊشنبیری و هونەریی هیلالی زێڕین-ەوە، زەماوندە و ورپڕای و گۊرانیۍ پێشکەشۍ کریۍ و ئینجا لاو ژنۊلۊژیوە چێوە نەریتی وکۊنەکۍ پێشکەشۍ کریۍ.

س.ز