زیاتەر جە ٨٠٠ ئاوارای تەری هەولێرۆ گێڵێوە پەی یاگێ وێشا
وەزارەتوو کۆچو کۆچبەراو عێراقی وەڵاش کەردۆ، چوارچوەو هەوڵەکانە پەی ئەوەگێڵای ئاوارەکا، ٨٠٣ ئاوارێ کەمپەکاو سنووروو هەولێریوە گێڵێوە پەی زێدوو وێشا پارێزگاو نەینەواینە.
وەزارەتوو کۆچ و کۆچبەراو عێراقی بارەو گێڵایوە سەدان ئاواراوە کەمپەکاو سنوورو هەولێریوە پەی پاریزگاو نەینەوای ئەرەیاونایوەش وەڵا کەردۆ.
ئەرەیاونایەکەینە ئامان، چوارچوەو حەوڵەکاو حکومەتی و وەزارەتەکەیمانە پەی ئەوەگێڵای ئاوارەکا، ٨٠٣ ئاوارێ کەمپەکاو (هەرشەم و بەركە)ینە پارێزگاو هەولێرینە بە مەیلو وێشا گێڵێوە پەی یاگێ وێشا، پارێزگاو نەینەواینە.
ئاماژە پانەیچە کریان، یاردەی دارایی و فیاگوزاری و دایپەنەی کەرەسەی دلێ یانەی بە ئاوارە گێڵاوەکا بەردەواما.
ئاخرۆ ئانە وزیان ڕووە، وەزیروو کۆچ و کۆچبەرا داواش وەنەو فەرمانبەرا وەزارەتەکەیش کەردێنە، بەردەوام هەرمانە بکەرا، پەی تۆمارکەردەی ئا خێزانە ئاوارا، کە گەرەکشانە بگێڵاوە زێدوو وێشا.
حەرچند وەڵتەرێ پەدەکە ڕا گێرێ وەنەو گێڵایوەی ئاوارەکا، وەلێ دماو هەسکەردەیوە فشارەکاو حکومەتی فیدراڵی و وەزارەتوو کۆچ و کۆچبەراو عێراقی سەروو دەسەڵاتداراو پەدەکەی گێڵایوەی ئاوارەکا،کەمپەکاو هەولێری و دهۆکینە پەی زێدوو وێشا ڕووەش ئۆو فرەبییەی کەردێنە.
