شانیەری (وەڵاوگە)و زایەڵەی بەردەوامەن جە خزمەتکەردەی زۋان، فەرهەنگ و ئەدەبیاتو هەورامی و جە ڕاستانە کتێبێوی تەرش وەڵا کەردەوە کە بەی جۆرەنە:

نامێ کتیبی: زڕیای بێ دەنگی 
بابەت: شێعرێ 
شاعێر: بێهرووز موحەممەدپوور (شارۆ)
چاپ و پەخش: ئێنتشاراتوو زایەڵەی
چاپوو یەکەمی: وەهاروو ١٤٠٠ی

ئی بەرهەمە چەپکێ شێعرێ شاعێری سەوداسەر و ناسک خەیاڵیش گێرتێنێ وێ. شاعێر ئیجار قەڵەمش ڕوو بە شیوازێ تازەی خەنچنان و جە دەرەتانوو شێعرەی نەوەی هەورامیەنە کەوتەن ئەزموونکاریی. دەموو هورمتەی هەستی ناسکی و سێحروو خەیاڵی و خەمە جەم بیەوەکاو دەروونیشەوە، دەق دەق شێعرێ پاراوێش پێشکەش بە وانەری کەردێنێ.

شێعرە ڕۆحنە
وێش جەسەو هەڵۆیێوە تێژباڵینە مرمانۆ
مدٚۆ شەقەو باڵوو خیاڵی و
وشە مەردٚەکا بەرۆنە بۆشایی عاسمانی
جار هەن بۆنە قۆتەو سۆبەو هەژارێوە و
ئۆخەیێوە جە ئەدٚای بۆ
شێعرە گەڕاڵەنە!
شەوانە بۆنە شەمشەلەکۆرە و
خزۆنە دلێ یاگێ و 
وێش چڵوو ویریه‌و ئاوێز کەرۆ
جار هەن گلێنەو دیدٚەو کونە بەکۆڵێوە وەشەسیای خولقنۆ
دنیاو زاڕۆڵەیی بە پیکسێڵێوە بەرزەو مارۆ وەروو دووربینوو چەما
بۆنە گوڵەنەرگس و شەمامەو دەسوو دڵدارێوە و
وێش تۆو پەلکەو ئافرەتێوەنە حەشار مدٚۆ
سیلەو ڕەحمی بە گا مارۆنە و
سەردایو مەولەوی و نالی کەرۆ