زینانو ژمارە ٢ی ڕحاینە، وشکنای جەسەیی سەرو بنەیانەکارە سەپیۆنە
سەرحەد بولوت، که ئینا زینانو ژمارە ٢ی ڕحاینە، جە نامێوەنە ئەرەیاوناش که کردەوەی بەدوور جە کەرامەتو مرۆیی دژو ئا بنەیانا کریۆنە که سەردانو کەسوکاریشا کەرا.
هەرپاسە بەپاو ئا نامەی کە بە ئاژانسس هەواڵس میزۆپۆتامیای یاوان، بولوت ئەرەیاوناش کە جە دووە حەفتەی ئایندەنە وشکنای جەسەیی و ڕووتکەردەیۆ سەرو ئا بنەیانارە سەپیۆنە کە گرەکشانە سەردانو کەسوکاریشا کەرانە.
بولوت ئاماژەش پانەیش کەرد، سەرەڕاو دیداری چنی ڕاوەبەرو زینانی، دیسان ئی کردەوێ بەردەوامێنێ و داواش جە ڕاو گرڏی کەردێنە گرنگی با پرسەیە دانە.
هەرپاسە بولوت سەبارەت بە قسێ وەزیرو دادی کە واتەبێش: "هیچ وشکنای جەسەیی و ڕووتکەردەیۆ مەکریۆنە" ناڕەزاییش نیشانەدا و واتش: "جە زینانو ژمارە ٢ی ڕحاینە وشکنای و جل بەرد ئاردەی سەرو بنەیانە و زینانییەکارە سەپیۆنە. حەر کەسێ کاروەدای نیشانە دۆنە ئەشکەنجە دریۆنە و مافو سەردانکەردەیش چنە قەدەغە کریۆنە. پۆکەی مشۆم دەمودەس ئی کردەوێ دژە مرۆییا مدرنانە.
