وینیشنداکەو دماو باڵبەسکەردەو ئەکرەم ئیمام ئۆغڵوی سەرۆکا شارەوانی ئەستەنبوڵی و کاندیدو جەهەپەی پەی سەرۆککۆمارو، یۆ چا کەسا باڵبەسکریا، کائان کۆتوک تەمەن ٢٣ساڵ بێ. کۆتۆک کاتو هەوڵدای پەی ڕزگارکەردە و ژەنێ کە جە کاتو ناڕەزایەتیەکا ساراچاینە ڕووبەڕوو تنوتیژیی پۆلیسی بییەبێ، ئەشکەنجە دریان و باڵبەسکریان.

'کوڕەکەمشا سەرو زەمینیرە کێشا'

جاندان کوتوک ئەڏیاو کوتوکی چا بارۆ چنی ئاژانسو هەواڵو فوراتی (ANF)ی قسێش کەردە و واتش: "سەرەتا پۆلیس گازی هەڵسمتەیش سەرو کوڕەکەیمەرە بەکارئارد و دماتەر جەلایەنو یەرێ ئەفسەرێ پۆلیسیۆ فرە بە تنی ئەشکەنجە دریا، تەنانەت بە قونداغو چەکی دانشا سەرەش و سەرەش مەڕیان، سەرەڕاو ئانەی کوڕەکەم یاگێ ڕووەداکەینە بێهۆش بێ، دیسان باڵبەسکریان.".

'ماوەو ٨ سەعاتا دلێ تڕۆمبێلو باڵبەسکەردەینە بە کەلەپچۆ دەس بەسەر کریان'

ئەڏیاو کوتوکی ئەرەیاونانش کە کائان کوتوک پەی ماوەو ٨سەعاتا دلێ تڕۆمبێلی دەس سەرەرە گێرتەینە  پەشتیۆ کەلەپچە و دەسش سەرەرە گیریان و واتش: "بەبێ ئاگاداری بنەیانەکەیش یاونانشا خەسەخانە، شۆنەو سۆچناو جگەرەی سەرو دەسو کورە ئازادکریاکەم دیار بییەن."

هەرپاسە جاندانە ئەرەیاوناش، کوڕەکەم تەنیا هەوڵو ڕزگار کەردەو ژەنێوەش دان و واتش: "جن جارێ دانشا سەرەش. دەموچەمش ئاسەوارو دایوەنەیش پۆوە دیاربییەن. لوتەش مەڕیێبێ و بڕبڕەکێش ئێشا یاوابێ". سەبارەت بە ڕووەدایەکا ناڕەزایەتیشا نیشانەدا و داواو ونە پەرسای و دادگایی کەردەی ئا ئەفسەرا پۆلیسیشا کەرد کە وەرپرسیارێنێ جە ئەشکەنجەداکا واتش: "زاڕۆڵەکێما بێتاوانێنێ، پۆلیس زاڕۆڵەکێما تا ئاستو مەردەی ئەشکەنجەشا دێنێ."