زینڎانی سیاسی یاشار قرمزی دماو ٣٢ ساڵا ئازاڎ کریا
یاشار قرمزی کە جە تەرەفوو دادگاو ئاسایشوو دەوڵەتیوە جە سەرەتاو ساڵەکا ١٩٩٠یۆ سزاو زینڎانیش سەرەرە سەپیابۍ، دماو ٣٢ ساڵا ئازاڎ کریا.
یاشار قرمزی جە ٢٨/١٠/ ١٩٩٢ ێنە جە رحا گیریا و دادگاو ئاسایشوو دەوڵەتی بە بانگەشەو "تێکدای یۊبیەی و یەکپارچەیی دەوڵەتی" سزاو زینڎانی هەتاهەتاییش سەرەرە سەپنا. قرمزی دماو ٣٢ ساڵا جە زینڎانی جۆروو کەی ١ ی دەپینە ئازاڎکریا. جە ماوەو ٣٢ ساڵا زینڎانینە قرمزی جە زینڎانەکا ئامەڎ، دیلۆک، بۆلو و خارپێتینە زینڎانی کریابۍ.
قرمزی جە تەرەفوو موسا شاناکی کە جە ١٦و ئابی دماو ٣٠ ساڵا ئازاڎکریابۍ، حەرپاسە کەسەکاش و ژمارێوە فرە جە هامڕایاشۆ پێشوازیش ۋنەکریا.
قرمزی ۋەروودەم و زینڎانینە بە هەلهەلە و چەپڵە کوای پێشوازیش ۋنەکریا. دماو پێشوازیکەردەکەیچ بەرەو ماواو ۋێش واتە مەنتیقەو سەرێکانی رحای کۊت ڕا.
