جەیلان جوپۊلۊ ئاکچا پەرلەمانتارەو دەم پارتی بازنەو ئامەدی واتش، "ڕاپیمایەکە بەجۊشوخرۊشێوە گەورەوە کریا، گەلەکەما خاوەنداریی گەورەشا نیشانە دا. پا گێرتەیرێوەگەورە لاو گەلی و هەم لاو بەشداراو ڕاپیمایەکەیۊ وزیا ڕووە.

هاموەخت چەنی ئانەیە چالاکیی مانگێرتەی زینڎانییاو پەکەکەی و پاژکی زینڎانەکاو تورکیای و ئێشکگێریی دادپەروەری بە سەرمەشقایەتیی بنەیانەو زینڎانییا بەرڎەوام بی، ڕاپیمای گەورەو ئازادیی دووۍ قۊڵێوە بەینوو ١-١٥ی شوباتی لوا ڕاوە. جە بەشداراو ڕاپیمایەکەی پەرلەمانتارەو بازنەو ئامەدوو دەم پارتی جەیلان جوپۊلۊ ئاکچا قسێش پەی ئاژانسوو هەواڵوو فورات (ANF)ی دوا و بارەو چالاکیەکەیشاوە واتش.

ئاکچا ئاماژەش پانەیە کرد، کە وەڵۍ مردای سەروو شێوازوو گۊشەگیرییوە مشۊم پەی یاگۍ ڕابەروو گەلوو کوردی عەبدوڵا ئۊجالان بدیەیمۍ، کە گۊشەگیرییش سەرەرە کریان و چا ڕووەوە واتش، "چونکوم مزانیۊ، کە بەڕێز ئۊجالان پەی گەلوو کورد بە چە مانێوەنە و متاوۊ چە فاڕیاێوە وەرکەوتوو دلێڕاسەینە بکەرۊن، بۊنەو ئانەیوە سیستموو گۊشەگیرییشا قووڵتەر کەرڎەنۊ. زیاتەر پەیوەندییەکا پڕچنا. گەرەکشانە پەیوەندیی بەڕێز ئۊجالانی چەنی خەڵکی پڕچنا. بە نامۍ ئیمراڵییوە پەیامێوە قووڵ بە تەماموو گەلوو کوردی مدریۊ. ئا بەراوردکارییە فرە کەروو و بەرڎەوامیچ بوو سەرش، جیاوازیی فرە بەینوو ڕژێموو ئەفریقاو پانیشتی و ئانەی کوردستاننە هەن، دیارا".

گردوو چالاکییەکا لاو گەلیوە دەسشا پەنە کریا

ئاکچا ئانەش وست ڕووە، کە گردوو چالاکییەکا دژوو گۊشەگیری کریێنی، خەڵکی کەردێنۍ و پێسە بەرڎەوامە بییە؛ "خەڵکی مەدەنی، یانۍ ڕێکوزیا مەدەنییەکۍ سەرمەشقایەتیی ئا چالاکیا کەرێنۍ. ئێمە پێسە سیاسەتمەداری دلۍ چالاکییەکانە بێنمۍ.ڕاسیینە ئی چالاکیەیچە بە سەرمەشقایەتیی زینڎانییا کریا. ئێمەیچ پێسە سیاسەتمەدارا و پەرلەمانتارا دەسما بە ڕاپیمای گەورەو ئازادیی کەرد و چەنی جەماوەری بەشدارۍ بێنمۍ. سەرمەشقوو ئا چالاکییا دئەڎۍ بێنۍ و زینڎانیۍ و خەڵکی ئازا و چەمنەتەرسوو کوردی، کە زیێبێنێوە سەروو جادەکا. هەڵمەتەکۍ ئەوەڵ زینڎانییا دەس پەنە کەرڎە و سەرباروو ئانەی هەلومەرج زینڎانەکانە دژوارا دا وەروو هەرمانەکۍ، ئێمە مزانمۍ وەراوەروو ئا کرڎەواوە هەڵوێستوو ڕاوەبەرایەتیی زینڎانەکا وەراوەروو زینڎانییا چەنینا. ڕاو سزاو دیسپلینیوە فشار وزا سەروو زینڎانییا و ڕەنگای قەراروو ئازادکەرڎەیشا ورشاناوە. ڕەنگای بارەو ژمارێوە فرەو ئا ئەدایاوە ئامێنۍ سەروو جادەی وەنەشا پێچیۊوە بەڵام سەرەڕاو گردوو ئا سیاسەتاو چەمتەرسنای و تۊقنایە ئەڎۍ و زینڎانیۍ سەرمەشقایەتییشا کەرد".

چارەسەر ئینا ئیمراڵیینە، ئانەیچ پێوەسا بە کەرڎەیۊ بەرەکاشۊ

ئاکچا واتش، گردوو ئا چالاکییا وەروو ئانەی پەی بەرژەوەندیی گلێرگەی بێنۍ، گلێرگە خاس خاوەندارییش کەردۍ و وستش ڕووە، کە "ڕاپیمای ئێمە بە جۊشوخرۊشێوە گەورەوە ویەرد، گەلەکەما خاوەنداریی فرەشا نیشانە دا. قەرارداری و پاگێرتەیرێوە فرە لاو گەلی و هەم لاو بەشداراو ڕاپیماکەیۊ نیشانە دریا. گردوو شارەکانە بە هەزاران کەسۍ ئامۍ خێرامای و گەلەکەما ڕاپیمای و سەرکەرڎەیۊکانە چەنیما بێنۍ و هێزی گەورەشا پەنە بەخشایمۍ. گردوو شارەکانە ئا داواکارییۍ پێوەما بەسێنێماوە بە یەک دەنگ بەرزۍ کریێوە. سەرباروو قۊرتا و هەڕەشەکاو پۊلیسیچ گەلەکەما ڕاپیمایەکەیش بەتەنیا جیا ناست و سەرەشا پەی هەڕەشەکا نەکۊمنارە. ئانەیچ ناڕەزایەتییما وەراوەروو گۊشەگیری و ڕژدبییەیما سەروو بابەتوو مسۊگەرکەرڎەی ئازادیی جەستەیی بەڕێز ئۊجالانی ئاشکراتەر کەرد و وستش ڕووە. چارەسەروو چندین قەیرانا پێوەسا بە کەرڎەیۊ بەرەکاو ئیمراڵییوە. ئیتر ئیساتۍ گرد کەسۍ خاس خاسۍ ئانەیە."