ئیشکگێریی داڎپەروەری بە سەرمەشقایەتیی کۆمەڵەو پەشتیوانی جە بنەیانەو زینڎانییا (توای دەر) بارەگاو پارتو هەرێمە دیموکراتیکەکا (دەبەپە)نە، کە لە ئێلحنە دەسش پەنە کەردەن،٧١ەمین ڕۆشنە بەردەواما.

چالاکییەکەنە پانکارتو " جە ئەڎا قارەماناوە، هەزار سڵامێ پەی زینڎانەکا". ئێمە بە هێزو وێما گۆشەگیری ماڕمێ و ژیواێوی ئازاد بنیات منیەیمێ" ورواسیابێ. ئەڎێ چالاکییەکەنە وەڵێبەندێوشا کەردەننە کە سەرشۆ نویسیان "گۆشەگیری تاوانێوە دژو ئینسانیەتی".

چالاکێ جمیەرو ژنە ئازادا (تەژەئا) و سەرمەشقەکاو پارتو یەکسانی و دیموکراسیی گەلا، دەم پارتی و دەبەپەو شارەکەی سەرێ چالاکییەیشا دا.  

ئەڎێ ئەوەخوایشا کەردۆ، تا گۆشەگیری سەرو عەبدوڵا ئۆجالانی ورنەگیریۆ، ڕۆڵەکێچما چێرو گۆشەگیریینە نەجاتشا نەبۆ بەردەوامێ مبا جە چالاکییەکاشا. پا بۆنەوە داوا وەنەو گرد لاێو مکەرمێ دەسو یۆی بگێرا و ورزا. یەرێ ساڵێن هیچ زانیاریێوی بەڕێز ئۆجالانی نیا. ڕۆڵەکێما تا گۆشەگیری دماییش پەنە بێ و پەیامێو جە بەرێز ئۆجالانیوە میاوۆ درێژە بە چالاکییەکەیشامدانێ."

هەرپاسە سەعدیە یاردمە ئەڎاو ئەحمەد یاردمی، کە زینڎانو ئافیۆنکاراهیسارەینە، مدرامانو ئەڎایاش مەبارەک کەرد. یاردمە درێژەو قسەکاشنە واتش: کوڕەکەم فاڕیانۆ پەی ئافیۆن. خێزانێو کە زاڕۆشا هەمان زینڎاننە بییەن پەنەشا واتیمێ. دماین دیدارنە، وەڵێو جەژنێ، کە لوانێ سەرێ کوڕەکەیم بدەو، من و بنەیانێوی تەر تا سەعات چوار بەرۆ مدرنایمێشا. وەختێو لوایمێ چوەر خاس وشکنایمێشا."

دمایی یاردم واتش: " ئیتر نمەلمێنە چەمپەنەکەوتەیەکا، شمەیچ بەرۆ مدرامانیتا درێژە پەنە دەیدێ، مدرامانەکەتا هومێدما پنە مبەخشۆ. سڵامم ئاڕاسەو ئەڎا مدرامانکەرا مکەروو و دەسێشا ماچێ مکەروونە.

ئیشکگێریی داڎپەروەری بە دروشمو "ژەنی، ژیوای، ئازادی"ی و "بژیوۆ مدرامانو زینڎانی" و "بەبێ سەرۆکی ژوای نمەبۆ" دماییش ئاما.