زینانیا دۆسیەو پارتو کرێکارا کوردەسانی (پەکەکە)ی جە زینانو تەکیرداغو ژمارە ١و پیتەو(ف)ێنە زینانیۍ کریێنۍ، سەبارەت بە گفتوگۆیە تازەکا چارەسەری پرسو کوردی پەیامێوەشا وەڵا کەرڎۆ. جە پەیامەکەنە ئەرەیاۋنانشا کە هێزە هەژموونوازەکۍ مۆدێرنیتەو سەرمایەداری ۋەرکۊتوو مېیامینیشا کەرڎەن بە مېڎانوو جەنگی. هەرپاسە جە درێژەو پەیامەکەینە ئامان: "ئا دەسوەردایۍ جە فەلەستین و کوردەسانەنە دەسشپنەکەرڎ جە عێراق، ئەفغانستان، لیبیا، لوبنان، سوریا و ئێرانەنە بەردەواما و ئی ناوچێشا کەردێنۍ بە وێرانە."

جە بەشێوە تەرو پەیامەکەینە ئاماژە پانەی کریان کە جە ساتەوەختێوە تاریخی چامنەنە یۊگېرتەو میزۆپۆتامیای و ئەنادۆڵی زەرووریەتێوە گۊرەن و ئانەی تواناو پېکئاوردەی ئی یۆگێرتەیەیشە هەن ڕابەر ئاپۆن. جە درێژەو پەیامەکەینە ئاماژە بە بەردەوامی گۆشەگیری سەپیای سەرو ڕابەر ئاپویرە کریان و ئامان کە ئەگەر ئی گۆشەگیرییە بەردەوام بۆ، ئانە گۊرەتەرین زەرەر بە گەلەکەیما میاونۆ."

جە بەشی دماینو پەیامەکەینە، سەرەڕاو داواو شەرتەو، ئاسایش و ئازادیی ڕابەر ئاپۆی، ئاماژە پانەی کریان: "داوا جە حکومەتی و دۊڵەتی مکەرمۍ ئازایانە و بێ ئانەی کات بە زایە بڎا مامەڵە چنی ئاژەکەی بکەرا و ۋەرپرسیاری ۋێشا جابەجێ بکەرا و دمایی بە گۆشەگیری سەپیای بارا و مەرجەکا ئازادی بەڎەنی ڕابە ئاپۆی مەیسەر بکەرا."