بەیاننامەکە لەلایەن ئەندامی مەجلیسی گشتیی پەیەدەی کانتۆنی فورات خوێندرایەوە. لە بەیاننامەکەدا هاتووە، دانیشتوانی کانتۆنی فورات ماوەی ٥ ڕۆژ بەشداری ئیشکگریی بەنداوەکەیان بوون و ئەمڕۆ چالاکییەکە لەلایەن هاوڵاتیانی کانتۆنی جزیرەوە بەردەوام دەبێت.

هەروەها ئەوەش ڕاگەیەندراوە کە لە هێرشەکانی دەوڵەتی داگیرکەری تورک و چەتەکانی ناترسن و درێژە بە چالاکییەکانیان دەدەن.

لە بەیاننامەکەدا بۆردومانەکانی دوێنێی سوپای داگیرکەری تورک بۆ سەر شاری سرین کە لە ئەنجامدا ١٢ هاوڵاتی مەدەنی شەهیدبوون و ١٣کەسی دیکەش برینداربوون ئیدانە کراوە و داوا لە هێزە نێونەتەوەییەکان و ڕێکخراوەکانی مافی مرۆڤ کراوە لەبەرامبەر هێڕشە دڕندەییەکانی دەوڵەتی تورک و چەتەکانی ئەرکی خۆیان بەجێبهێنن و هێرشەکان بوەستێنن.

هەروەها لە کۆتایی بەیاننامەکەدا هاتووە: "هەتا هێرشەکان بەردەوام بن، بەرخۆدانی پاراستنی بەنداوی تشرین بەردەوام دەبێت."