زینڎانیی سیاسیی کوردی، شاهین گەلەداری کە زینڎانوو ناوەندیی ئورمییەینە سزاو ٢ ساڵا زینڎانییش ملەرە سەپیابێ، بۆنەو فشار و ئەشکەنجەو وەرپەرساو وەزارەتوو ئیتلاعاتوو دەوڵەتوو ئێرانیوە دماییش ئارد بە ژیوایش.
بە پاو زانیارییەکاو تۆڕەو مافەکاو ئینسانوو کورڎسانی، سەرسەعبوو ئارۆی دووشەممە ٢٦ شوباتی ئی زینڎانییە سیاسییە زینڎانوو زینڎانییە سیاسی و مەزهەبییاو زینڎانوو ناوەندیی ئورمییەینە وێش ورواستەن و دماییش بە ژیوای وێش ئارڎەن.
وەختوو فاڕایۆ جەنازەکەیشنە پەی ناوەندوو تەندرووسیی زینڎانەکەی، یەحیا سوڵتانی و حەمیدعەلی حیکمەتی، وەرپرس و یارڎەیدەرێ ئی زینڎانە، پەلامارەو زینڎانییە سیاسییەکاشا دێنە و هەڕەشێ کوشتەیشا وەنە کەردێنێ.
بە قسێ تۆڕەو مافەکاو ئینسانوو کورڎسانی، شاهین گەلەداری چی دمایاوە چندین جارێ ڕوانەو نویسگەی تایبەتیی ئیدارەو ئیتلاعاتوو ئا زینڎانەی و هەرپاسە دەسبەسەرگەو ئیدارەو ئیتلاعاتوو ئورمییەی کریابێ و وەرپەرسە ئەمنییەکا ڕووبەڕووی فشاری و ئەشکەنجەی کەرڎەبێوە، تا هامکاریی دەزگا ئەمنییەکا کەرۆ، هەرپاسە پیسە بێڕێزیێوە سمێڵێشا تاشتەبێ. هەرپاسە چند جارێوە کەسوکارەکەش چڕیابێ و هەڕەشێشا وەنە کریێبێ.
