کۆمیسیۆنوو زیندانەکاو لەقوو کۆمەڵەو مافەکاو ئینسانوو ئیهەدەی، بەینوو ٣٠ی تەمووزی و ٣ێ ئابینە سەرێ ٨ زینداناو هەرێموو سەرحەدی و بەحری سیاویش دا. بەتایبەت زیندانە ئەمنیییە باڵاکاو ئەزرینجانی، کو زیندانوو ژەناو ئەزرینجانیچ سەر دریێنێ،کۆمسیۆنەکە سەبارەت بە سەردای ئا زیندانا، ڕاپۆرتێوەش پێشکەشە کەردە.

ڕاپۆرتەکێ کۆنگریوە ڕۆنامەوانیینە  نویسگەو ئیهەدەو ئامەدینە پەی ڕای گردینی وەڵا کریاوە.

عەلی ئێحسان دەمیرتاش، ئەنداموو کۆمیسیۆنوو زیندانەکاو دادگاو باڵاو ئامەدی، ڕاپۆرتەکێشەنە ئاشکراش کەرد:" فرەو زیندانییەکا بە پێچەوانەو یاسێوە ژوورەکانە مگیریانە.

پێشێلکارییپاشآێلکاریەەکاو زیندای پیسە ریزێ کەریێنێ:

* زیندانییەکێ وەختوو لوای چوەری پەی زیندانی بە نۆعێوە بە وشکنای و ڕووتکەردەیوە، ڕووبەڕوێ سووکایەتی و ئەشکەنجەی مبانێوە، یا دوێ ڕوێنە ژووروو چەمدارینە مازییانێوە.

*ئا کتێبێ پەی زیندانییەکا مکیانیا، ئەگەر وکەلیمێ ' کورد، کوردسان، دیموکراتیک'یش چەنە بۆ نمەیاوۆ دەسوو زیندانییەکا.

* فرەو ڕۆنامە و کەناڵە تەلەفزوێنییەکا لاو وەرپەرساو زیندانیوە وزیێنێرە.

*بۆنەو ئانەیوە زیندانیێ بەشدارییشا جە چالاکیی " ورگێرتەی گۆشەگیری زیندانوو ئیمرالینە و چراسەری دیموکراسیانەو کێشەو کوردی" کەردەن سزاو دیسپلینی دژوو زیندانییا بەکارمارۆ.

*سیستموو کامێرەی چەمداری یاگە تایبەتەکاو زیندانینە یاگێ تایبەتەو زیندانیارە پێسەو یاگێ سەیایۆ نریێنێرە نایاسایێنێ.

* نامەکاو زیندانییا کە سەبارەت بە پاشێلکارییە بەردەوامەکا مکیانیا، نمەیاوا یاگێ مەبەسی.

٭ نرخەو پەیوەندییە تەلەفوونییەکا زیادە کریێنە جگە چانەیچە، ئا زیندانیێ کە هاموەڵاتێ تورکیای نییەنێ، پەیوەندیی تەلەفۆنیشا کەم کریانۆ و نرخەکێچش زیادە کریێنە.

*ئا زیندانیێ ماوەی ویەردەنە بەشدارییشا جە مانگێرتەی واردەینە کەردەبێ، وزیێنێ ژووری تاکەکەسیوە و سزاو دیسپلینی دریێنێ.

دەمیرتاش ئەرەیاوناش سەرجەموو ئا زیندانییا کە سەرما دێنێ، مافوو زیندانییا بە هەڕەمەکی و وەرەچەم پاشێلێ مکریا.

دەمیرتاش میانەو ئەرەیاونای بەیاننامەکەینە ئا وەڵێنیارێ ئامادێ کریێبێنێ وزیێنێ ڕووە و بەگردی ئاماژەش پانەیە کەرد، کە مشۆم دەمودەس گۆشەگیری و ئەرەبڕیەی وەراوەروو زیندانییا هوربگێریۆ، کە پێسەو ڕاکاریوە ئەشکەنجەی بەکار مەیا، حەرپاسە مشۆم'یاساکاو ماندێلای' قبووڵێ بکریا و بیاوا یاگێ و بەپاو مافەکا و یاسا جیهانییەکا ڕاسێ بکریانێوە.