ئاساییش تەقەش جە گەنجا کەرد و ١٠ کەسێ بریندارێ بیێ
جە دێگەلە، چەکدارە ئاساییشیەکێ په‌ده‌كه‌ی ١٠ ڕاپیمەرێ ڕووەو عەفرینیش زامدارێ کەردێ.
ئارۆ سەروێرەگا، جە بازگەو دێگەی جە نزیکو هۆلێری، ئاساییش ڕاگیریش کەرد جە گەنجە ڕاپیمەرەکا، کە ٤ ڕۋوێن جە سلێمانیێ ڕوو بە عەفرین کۆتێنێ ڕا.
ئاسایش بەڕاگیریەکەی بەسەندەش نەکەرد و گولێ و تەوەنی و دار ئەلامارەو ڕاپیمەرەکەش دا و جە ئاکامەنە ۱۰ شان زامدارێ بیێ کە زامداری ۳ شان سەختەن.
هاورێ فه‌ره‌یدوون، ئه‌ندام جە كۆمیته‌و ئاماده‌كاری ڕاپیماکەی، بە ڕێباز حەسەن پەیامکانەرو فڕات نیوزیش واتەن: «موراد عه‌لی ڕه‌شید، عه‌لی محه‌مه‌د عیسا، هۆشیار مه‌ریوان» بەگولێ زامدارێ بیێنێ و ئەوێ تەرێ بە تەۋەنی و دار زامدارێ کریێنێ. نامبریا ئاشکراش کەردەن: زامدارەکێ پەی چارەسەری ڕەۋانەو نەوەشخانەی کریێنێ و چارەسەرێ کریانە.
