جەی باسەنە، نمونەو  بەکارئاردەی "خوٙ"ی جە زۋنی هۆرامیەنە ۋزمێ ڕوۋێ، پەی نمونە:  (خوٙ ماس نیەن لچیٛتۆ دیار بۆ)،  (خوٙ نانش نەسۆتەن ساجەرە  )،  ئەگەر سەرنجە دەیمیٛ  ۋاتیٛ ( خوٙ) ی کەوتیٛنە ۋەڵیٛ هەردۋە ڕستەکەی، مانێۋە تەمامەش دێنە پەنەشا.

ئەگەر ڕستەکا بە بیٛ بەکار ئاردەو ( خوٙ) ی بنۋیسمیٛ یام ۋاچمێ، ماناکیٛشا هەر مەنێنەو پیٛسەنە ۋیٛش , ئەی ئامرازە یام مورفیمە هەرمانەش چیٛشنە؟ و دلیٛ قسەکەردەی و ۋات و ۋاچیمانە هەن، من بە ئامرازش منیەورە، وەلێ کامە ئامرازا ، هنو چیٛشین؟  ماناکیٛش ئانەی مشۆ پیٛسەن گلەییو بناشت کەردەی. خوٙ ویٛم نەدیەنۆ چی ۋیٛم سەخڵەت کەرو سەرو ئاڎیشا ؟  ... کەوتەن وەڵیٛ ڕستەیۋە 

وازم چەنە بارە خوٙ هەنگم قڕوٙڵەنە نەڎیەنۆ  .... چیٛگەنە کەوتەن بەینو دۋیٛ ڕستاو بەستیٛنێش یوترینیەۋە.
پاسە بوۆ "خوٙ" ئامرازێۋەن  بنەڕا و نیمەڕا و ڕستەیۋە مەیۆ،  یانی ئەوەڵو ڕستەیۋە و دلیٛڕاسەیچەنە، ئەگەر سەرو ڕاستەکەیۋە لاش بەرمیٛ ماناو گلەییو بناشتەکەی بە ڕوۆشنی نیشانە نمەڎونە، بەتایبە دەمێۋ دلیٛڕاسەنە بۆنە

.
با بزانو هامیارەکیٛم جەی بارەۋە چیٛش ماچان و ئومیٛڎ کەرو  یاگە دەسشا بۆ جە دۆڵەمەنڎکەردەی باسەکەی.
 د.ناجح گوڵپی