جە وڵاتو کانتۆنەکا سویسرا، کەمپین پەی پەشتیوانی عەفرین و مدرنای جەنگی ڕێکۋزیا و 2500 کەسێ ئیمزاشان کەردەن.

ئامادەکارێ کەمپینەکەی، نامەکێۋە کە ئیمزێ ٢ هه‌زار و ٥٠٠ سیاسەتمەدارێ، ئه‌كادیمیستێ، ڕۆچنامەۋانێ، نۋیسەرێ و نوێنەرێ ڕێکۋستە مەدەنیەکا ئیمزاشا کەردێنە، داۋا سەرۆکو کۆنسەو فیدڕاڵی سویسرای «ئالاین به‌رسه‌ت» و ئەنداما کۆنسەی کرایان، دژ بە هێڕش و لەشکرکێشی تورکیای پەی سەرو عەفرینی مدراوە، کە خەڵکی مەدەنی جە ژەن و زاروڵا و پیرێش کەردەێنێ ئامانج. ئاماژە پانەیە دریان کە نمەبۆ ئێمە ۋیرمان بشۆنە کە کورد چەنی هاوپەیمانی جە کۆبانێ، شەنگال و ڕەقا جەنگو داعشیش کەردەن و قوربانیش دان و ڕۆڵی کاریگەرش بییەن.
جەنامەکێنە ئامان، سویسرا و کۆمڵگەی میاندەوڵەتی، بشۆم پا بەندێ یاسا و ڕێساکا پارێزنانی مافو مرۆڤی بانە کە ۋێشا ئیمزاشا کەردەن، بشۆم فشار ۋزا سەرۆ تورکیا تا دەستبەردارو جەنگی بۆنە و لەشکرکێشی سەرو عەفرینی مدرنۆنە.

هەرپاسە داوا کرایان سەرو عەفرینی، باڵیۆزو تورکیای جە سویسرا چڕیۆنە ڕۆشنکەردەی بدۆنە و سویسرا ناڕەزایەتی وێش نیشانەش بدۆنە.
 هاموەخت داۋا جە هاوموەڵاتیا سویسرای کریان پەشتیوانێ عەفرینی بانە.