سەعات ۰۸:۰۰ ئارۆی ۲٤ حوزەیرانی، جە سەرتاسەرو سەرنیشت(باکور) و کوردستانی و تورکیای  بەرێ ناۋەندەکا دەنگدای پەی هۆرۋچنەرا کریێۋە تا ٦۰۰ نامزەدێ و سەرۆک کۆماریێۋ هۆرۋچنا. جە پرۆسەکەنە ٥٦ ملیۆنێ و ۳۲۲ هەزارێ و ٦٤۲ کەسێ مافو دەنگدایشان هەن و جە ۱۸۰ هەزارێ و ٦٥ ناۋەندێ دەنگدایەنە دەنگ مڎانە و دەیان هەزار چەمدارێ بومیێ و بیانیێی چەمداری پڕۆسەکەی مەکەرانە.

جە سەرەتا پرۆسەکەینە بە تایبەتی جە کوردستان، ئاکەپە جە ڕا هێزە ئەمنیەکا و جەردەۋانەکاشەۋە ڕاگیری و ئاستەنگیش پەی دەنگدەرا و چەمدارەکا هەدەپە-ی دروست کەردەن و بەتایبەتی جە دێهاتەکانە فشار و هەڕەشێ فرێ جە هورۋچنەرا کریۆنە و  بەپەیۋەندی تەلەفۆنی بێ ژمارە  بەردەۋام هەڕەشێ جە دەنگدەرا و چەمدارەکا هەدەپەی مەکریۆنە. جەی بارەوە کۆمسیۆنو هورۋچنایەکا هەدەپەی ناڕەزایەتیش نیشانەدا و چەندین سکاڵێش تۆمارێ کەردێنێ. کۆمسیۆنەکە و هەدەپەی داۋاش جە هاموەڵاتیا وچەمدارەکا پرۆسەکەی کەرد، ڕووبەرووئاستەنگی، ڕاگیرێ، هەڕەشە و فشارەکا باۋە و چەمنەتەرسانە مەرامەکا ئاکەپەی مایە پووچێ بکەراۋە. جە شار و شارچەکا هەدەپە مێزەو قەیرانیشپەی ڕووبەرووبییەی دۆخەکێ دروسە کەردێنە.
 
شایەنو باسیەن، جە هۆرۋچنای پارلەمانیەنە،  ۸ پارتێ بە ٤ چوار هەزارێ و ۸۰۰ نامزەدێ کە ۹۷۷ شان ژەن-یەنێ و ٦۸ نامزەدێ سەربەۋێ بەشدارێنێ و دەرەنجام هوروچنەرێ ٦۰۰ شان هۆرۋچنانە و مەکیانۆشان پارلەمان.

پەی پۆستو سەرۆک کۆماری تورکیای ٦ کەسێ نامزەدێنێ کە بریتیێنێ جە:  سەلاحەدین دەمیرتاش، (هەدەپە)، رەجەب تەیب ئەردۆغان، (ئاکەپە)، موحەڕەم ئینجە، (جەهەپە)، مەرال ئاکشنەر، (ئی پارتی)، تەمەل کەرەموڵڵا ئۆغڵو، (سەعادەت) و دۆغۆ بارینچاك، (پارتو نیشتمانی).