جە عەفرین ٥۰ سەربازێ و چەتێ تاڵانکەرێ تورکیای کوشیێ

ئارۆ جە عەفرین ٥۰ سەربازێ و چەتێ تاڵانکەرێ تورکیای کە سەرقاڵ و دزی و جەردەیی بێنێ، جە ئەۋەتەقنایێۋەنە کوشیێ و ژمارێۋی تەریچ بریندارێ بینێ.

 

هێزە داگیرکەرەکێ تورکیای و تاقمە چەتە جەردەکێش کە، هیزی دەربازو عەفرینی بیێبێنێ، بەشێوازێۋی ئاورڕووبەرانە دەستشا دان تاڵانکەردەی مڵک و ماڵو هاموڵاتیا و تەنانەت  دار و تەۋەن و خاکیچ دزانە.

ئارۆ جە سەروەختو دزی و تاڵانینە، شەڕوانەکێ یەپەگەی و یەپەژەی دژ بە چەتە تاڵانکارەکا چالاکیشا ئەنجام دا.
چا بارەۋە، یەکینەکێ پارێزنای گەلی ـ یەپەگەی، ئاشکراشا کەردەن: " ئارۆ کاتێۋ کە سەربازێ و چەتەکێ تورکیای داگیرکەری سەرقاڵو دزی و تاڵانی و جەردەیی بێنێ، بە ئەۋەتەقنایێۋ چالاکی دژشا ئەنجام دریان، کە جە ئەنجامشەن زیاتەر جە ٥۰ سەربازێ و چەتێ تورکیای کوشیێنێ و ژمارێۋی فرێچ زامدارێ بینێ".

مەدیاکێ تورکیاچ هەواڵەکەشا پەی پەردەپۆش نەکریان، بەڵام چەۋاشەکاریشا چنە کەردەن و تەنیا باسشا جە کوشیای ۱۱ سەربازێ و چەتا کەردەن.

هاموەخت چەمداری سوریای پەی مافو مرۆڤی، هەواڵو کوشای ٥۰ سەرباز و چەتەکا تورکیاش پەشتڕاکەردنەۋە و
ئاشکراش کەردەن: " جە عەفرین و دۆربەرش سەربازێ و چەتەکێ توکیای بە فراوانی سەرقاڵو تاڵان و دزیەنێ".
چەمداریەکە و چن ئاژانسێ هەۋاڵێ جیهانیچ چا بارەوە، چەندین دیمەنێ و ۋێنێشا ۋەڵێ کەردێنێ.

هیزی یەکشەممە، جە عەفرن جە چالاکیێۋی هامشێۋەنە ۳٥ سەربازێ و چەتێ تەرێ تورکیای کوشیێ بێنێ و ژمارێۋی فرێچ بریندارێ بیبێنێ. پی جۆرە جە ماۋەو دۋێ ڕۋانە کە عەفرین داگیرکریان ٨٥ سەربازێ و چەتێ تورکیای کوشیێنێ و دەیانی تەریچ بریندارێبیێنێ.

ئی چالاکیێ دمای ئانەیە ئەنجامێ دریێنێ، کە هیزی وێڕاۋەبەری عەفرینی و یەپەگە و یەپەژەی جە پەیامێ هامبەشەنە ئاشکراشا کەردەبێ: " مل بە داگیرکاری تورکیای نمەدا و گرد یەسە خاکێ جە عەفرینی کەرا بە ئێر و مۆتەکە پەی داکیرکەرا و تا بەرکەردەیشا جە عەفرینی بە تندی ڕووبەڕووشا باۋە".