دمانیمەڕۆو ئارۆی،"١٣وشوباتی\٢٤و ڕابه‌ندانی"، جە شارو هۆلێرو پانیشتو کوردستانی، بە سەرپەرستی کۆنگرەو نەتەوەیی کوردستانی-کەنەکەی، جە بارەگا حزبو زەحمەتکێشانی، کۆبییەی چەنی پارت و لایەنە سیاسیی و مەدەنیەکا ڕێکوزیا و دلێشەنە،  بە کۆدەنگی گرد ئامادەبیەکا چەند خاڵێ کریێ بنەما پەی کاری هامبەشیو سەرتاسەری جە سەرجەم شارەکا پانیشتو کوردستانی، بەمەبەستو  ناڕەزایی نیشاندای وەراوەر بەداگیرکاریی تورکیاو و پەشتیوانیکەردەی بجە ڕۆژئاوا و عەفرینی.
کۆنگرەو نەتەوەیی کوردستانی- کەنەکە، کە ڕیکوستێویی چەترێوە کۆکەرەن  بەهامکاری گرد نیشتمانپەروەرێ مەبەستشەن یەکێتی نەتەوەیی و کاری پێوەرەیی وەرچەم بگێرونە و کاری هامبەش بەرۆ ڕاوە. جەتیش کرایاوە کە بشۆم عەفرین و مدرامانەکیش ببۆنە هاندەر پەی یەکدەنگی کوردی جە وەراوەرو داگیرکەرا کوردستانی.
جە گلێرەبیەکەنە، ئامادەبیی بڕیارشادا، جە بوارەکا "سیاسیی و مرۆیی و یاسایی و تەندروستیی و دیبلۆماسی"یەنە، بە گرد شێوازێ پەشتیوانی جە عەفرینی بکریۆنە.

.