جیهاد هەورامی

شەۋێ ۋیەردێ، جە شارو هەڵەبجەی تەرمو هاموڵاتییۋی ئێزیابێ کە ئاسەۋارۆ چەندین ۋنەدای بە کاردی پۆۋە دیاربیەن.

ئارۆچ چا بارەۋە، "بارزان عوسمان"، قسەکەرو ڕاۋەبەری پۆلیسو هەڵەبجەی جە کۆنگرێۋی ڕۆچنامەۋانییەنە زانیاریشدا و واتش:ِِ"ساعەت دە و هیزی شەوێ جە گەڕەکو جولەکەکاو هەڵەبجەی کەسێۋ بەکاردی هێرشش کەدەن سەرو کەسێۋی تەری بریندارش کەردەن، دماو ئانەی یاۋناشا خەسخانە، بەڵام بەهۆو سەختی برینەکەیش گیانش جەدەس دان". 

بەرزان، واتیچش:"کەسی کوشیا نامێش "ئیدریس عومەر"، تەمەن ٤۷ ساڵە و هەرمانبەر بیەن ڕاۋەبەری ڕاوبانو هەڵەبجەی و خێزانداربیەن و ۷ زاڕۆڵێش بیێنێ. هەرپاسەکەسی کوشەریچ نامێش "ئاسۆ کەمال" تەمەن ۳٤ ساڵێن و پیشەش مامۆسان، ئیسە دەسگیر کریان و  بەبڕیارو دادوەرو ۋنەکۆڵای و بە پا مادەو 406ی ۋنەش کۆڵیۆۋە".

هەرپاسە نامبریا، ئاشکراش کەرد:" ۳ کەسێ تەرێ دەسگیر کریێنێ بەتۆمەتو کوشتەو ئا گەنجەیە کە هەفتەی وەڵین بە کوشیایی جە زبڵدانو هەڵەبجەی ئێزیابێ و چا بارەۋە ۋنەشا کۆڵیۆۋە.

"بارزان عوسمان"،  هەر پاسە زانیاریش سەرۆ ئا گەنجەیەدا، کە هەفتەی ۋیەردە تاتە و ئەدا و دۋێ براێ وێش کوشتێبێنێ و ۋاتش، دزانش بە تاوانەکێشەر نیان. بەڵام نامبریا ئاماژەش بە هۆکارو ئەنجامدای ئەی تاوانەیە نەدا.