خانه‌قین؛ جە هێرشێ چەکداریەنە ٧ كه‌سێ شەهیدێ بیێ
ئێشەۋ، جە خانەقین چه‌ند چه‌كدارێ نەناسیێ دەسڕێژو گولاشا جە مارکێتیۋی کەرد و ۷ کەسێ شەهیدێ و ۲ تەریچ زامدارێ بیێ.
جە بارەۋە، عه‌لی قه‌دوری، قسەکەر بەنامێ پۆلیسو گه‌رمیانی، بە دەزگاکا یاۋنەریش واتەن:"چه‌كدارەکێ هەڕەمەکیانە تەقەشا جە ماركێتەکەی کەردەن و ٧ هاموڵاتیشا کوشتێنێ ٢ تەریچ بریندارێ بینێ. دماتەر ته‌قه‌کەرەکێ ڕووەو یاگێۋە نادیارە لۋێنێ و دەستگیرێ نەکریێنێ. دۋێ جە قوربانیەکا عەرەبێنێ و ٥ یچشا کوردێ."
موحەمەد حەسەن، قایمقامو خانەقینیچ، ڤیەرەکەش بەتەرۆرستی بەنامێ کەردەن.
