سەرچەمێ جە هێزەکا سوریای دیموکراتی هەسەدەی ئاشکرکەرد:" جە سەرسەبای ئارۆی تا ئیسە، جە دۆروبەرو دەگاو چقلای سەر بە شیێ و دەگاو دێۋای سەر بە جەندریسێ، جەنگی فرە سەخت قۆمیان و جە جەنگەکەنە دەیان سەربازێ و چەتێ تورکیا داگیرکەری کوشیێنێ و  بریندارێ فرێچشا هەنێ".

هەر ئارۆ جە دێهاتەکا "ئادێما و ئیلبسکێ"و ڕاجۆی، شەڕڤانێ دوو چالاکیێشا دژو هێزە داگیرکەرەکا تورکیای ئەنجام دێنێ، جەئاکامەنە ماشینێۋی دۆشکەهوگێر دلێنەبریان و ۲ سەربازێ کوشیێنێ و ٥ سەربازیێچ بریندارێ بیێنێ.