نمە، سەرو عەفرینی پەیامێ ئاڕاستەو ڕای گردی کەرۆنە
نمە نەریمان، کناچڵە ژیرکەڵەکێ هۆرامان و پانیشتو کوردستانی، پەی پەشتیۋانی زارۆڵا و گەلو عەفرینی پەیامیێ ڤیدیۆیی بە زۋانی ئینگلیزی و چێرنویسی کوردی و عەرەبی ۋەڵاکەردەۋێ.
نمە نەریمان، هەسارەو تۆڕێ کۆمەڵایەتیێ، بە زۋانێوی پاراۋ و شیرینی زارۆیانە، واتەنش: بە بۆردومان کەردەی عەفرینی جەلا فڕۆکێ تورکیای، تاۋانی دژە مرۆییەن. مشیۆم ئیسە ینە مدریۆنە. ئادە ماچۆنە: زارۆڵێ عەفرینی تەنیێ نییەنێ، دڵم ئینا لاشاۋە. بژی زاڕۋەکێ عەفرینی، بژی وێگرتەی گەلو عەفرینی.
نەمە نەریمان، جە دمایی پەیامەکێشەنە، بە بەرزکەردەی دۋی پەنجێ دەسی ڕاسیش، پێسە هێماسەرکۆتەی ماچۆنە: عەفرین نەمەگنۆ، عەفرین سەرمەگنۆ.
