ئارۆ، (٤ شوباتی\١٥ ڕابه‌ندان)ی، دلێگەو یانۋنەری هێزەکا سوریای دیموکراتی هەسەدەی، پەی جۆرە ئامارەکەش ئاشکرا کەردەن:
 

ماباتا
شەممه‌ سەعات ٣ دمانیمەڕۆی، شەڕڤانێ هەسەدەی، دژ بە هێزە داگیرکەرەکا چالاکیشان ئەنجام دان، کە جە ئاکامشەنە تانکێۋ بە سەرنشینەکاشەۋە دلێنە بریێنێ. تا ئارۆ، یەکشەمە جەنگ و ئاڵۆزیێ بیێنێ دوژمن جوڵەبڕ کریان.

شه‌را

شه‌ۋی ویەردێ سەعات ٩ تۆپخانە و فڕۆکێ ئەرتەشو تورکی داگیرکەری، دەوروبەرو دەگا 'عەرەبوێران'یشان كردێنە ئامانج. دماتەر جەنگ قۆمیان و  دێهاتەکێ 'دیکماداش و بافلوون'یچش گێرتەنەۋە و چەندین سەعاتێش خاینان. سەرجەم هێرشەکێ دوژمنی شکست دریێنێ.

بلبلێ

شه‌ۋێ ۋیەردێ سەعات ١٠،  هێرشی سەخت کریان سەروو دێهاتەکا 'شێخورزی و عوبەیدانی' و جەنگی قورس ڕووەش دێنە. هاموەخت ٦ جارێ بە فڕۆکێ دۋە دەگاکە بۆردومانێ کریێنێ. 

سەرسەبای ئارۆی سەعات ٣، جارێ تەر دوژمن و چەتەکێش هەوڵشا دان دەربازێ شێخورزی بانە، بەڵام شەڕڤانێ ڕووبەڕووشا مدرێنێ و جەنگی فرە قورس قۆمیان. هاموەخت چەندین جارێ فڕۆکێ بۆردمانشا کەردەن. سەرجەم هێرشەکێ شکست دریێنێ.

دماتەر جە سەعات ١ نیمەڕۆ ئارۆی، سەربازێ و چەتەکێ ئەرتەش و تورکی، جارێوتە پەلامارە شێخورزێ و بایلکا شان دان. بەڵام دیسان شکست دریێنێ. هاموەخت جە دەگا عەلی کەرای، بلدۆزەرێۋ کە ڕاش پەی دوژمنی دوستە کەردێنە دلێنەبریان. 

شیێ\ماباتا

جە دێهاتەکا خه‌لیل و ئالكانای جەنگی فرە سەخت ڕووەش دێنە، دوژمن گورزی قورسش واردەن.

جندرێس

دلێ جندرێسی و دێهاتەکاش بەتایبەتی دەگا حەمامێ به‌ چه‌كی قورس بۆردومان کریێنێ. جە گرێ  قازقالی و گرێ شەهید سەیدۆی، دوژن و چەتەکێش هەواڵو داگیرکەردەیشا دێنە. بەڵا شەڕڤانێ دێنێشا ۋنە و ناچار بە ئەۋە گێڵایشا کەردێنێ. 

كۆبانێ و گرێ سپی

جە دەگا، سووسکێ وەرنیشتو گرێ سپی، هێزەکێ دوژمنی، ئۆتۆمبێلی ماشینو هاموڵاتیاش كەردەن ئامانج و زیانش دێنێ ۋنە. یەکسەر و خێرا شەڕۋانێ وەڵامشا دێنێ و جەنگ ڕووەش دێنە.
 
هەسەدە جەختش کەردەنەۋە، کە جە سەرجەم محوەرەکانە، هێرشەکێ شکست دریێنێ و دژمن سەرەڕا زیانی گیانی و ماددی بێ ئەنجام بییەن.