دلێگەو یاۋنەری و چاپەمەنی هەسەدە، جەی بارەۋە، ئەی زانیاریێشە دێنێ:

(بلبلێ)

هیزی سەعات١٤:٠٠و دمانیمەڕۆی، دەگاوقەستەل خزریە بە چەکی قورس توپۋارانە کریێنە، هێزەکێما بەرسڤو تۆپۋرانەکەێشا دانەۋ و تانکێو بە سەرنشینەکاشەۋ دلێنە بریێنە. دیمەنو دلێنەبریاکێ تۆمار کریان.

جە دەگاو شێخورزێ، هێزەکێما گورزی قورسشان جە دوژمەنی دان و کوشتێ و زامدارێ فرێشا دێنێ، کە ٢٧ کوشیێشان پەێما پەشتڕاس کریێنێ. زانیا کە پەیتا پەیەتا ئۆتومبیلی فریاۋزستەی کوشتێ و بریندارەکێشا فاڕێنە پەی شارەکا کلسی و ڕێحانلی چێژو دەسەڵاتو تورکیای. سەرسەبای ئارۆی، دەگا کۆتانای بە چەکی قورس بۆردومان کریێنە و یانە و مڵکو مەردومی زینی فرەش دیەن. 

(ڕاجۆ)

جە دەگا ئابیسکێ،جەنگێووی دژوار میانو شەڕڤانا و هێزە هێرشبەرە داگیرکەرەکانە ڕوەشدێنە و هێزەکێما جە سەعات١٦:٠٠سەر ۋێرەگای تانکێۋو دوژمنی بە سەرنشینەکاشەۋە دلێنەبەردێنە.

هەر ئارۆ، بەڵا سەعات ٩:٠٠ سەربای،جە کەڤرێ کەڕ، داگیرکەرەکێ گەرەکشا بییەن ۋەرڕەوی بکەرانە، لێ  شەرڤاننەکێما بەهێقمی دێنێشا ۋنە و  لانی کەم ٧ سەرۋازێ کۆشیێنێو  و دەیانی تەرێ زامدارێ بیێنێ. هامکات دلێڕاسەو ڕاجۆی و دەگاکێ موسکا و هۆپکای بە چەکی قورس بۆردومانێ کریێنێ و زەرە و زیانی فرە جە هاموەڵاتیا کۆتەن.

نیمەڕۆئارۆی سەعات١٣:٠٠، بە هەمان شێوە دەگاکێ جەلا وچ ەقماقەی تۆپۋارانی سەخت کریێنێ.

(شییێ)

جە سەر ۋێرەگا هیزی تا ئیسە، جە گردو بەرەکا ناوچەکەی بۆردمان و جەنگی قورس بیەن و هەن، کە جە سەرەتا جەنگ و هێرشەکا سەرو عەفرینی  دژوارترین جەنگ ئەژمار مەکریۆنە. چاگە دوژمن گورز و زیانی قورسش دریان ۋنە، بەڵام چا بارەۋه ئامار و  وەردەکاری نەیاۋان دەسما.
هەرپاسە، جە دۆروبەرو دەگاو خەلیل گولکۆی هێزەکێما بە قورسی دانشا هێزەکاو دوژمەنی بێجگە جە وردووهانکەردەی ماشینێوی دوشکە هۆرگێری،  ١١سەرۋاێ کوشیێنێ.

(جەندریسێ)

دامای ئانەیە کە جە دەگاو حەمامێی سەرجەم هێرش و هەوڵە داگیرکاریەکێ دوژمنی  مایەپووچێ کریێ و شکست دریێ، دوژمن ئیسە گەرەکشەن جە کەشو بەیرەقداری کە ئینا میانو  حەمامێی و دەگاو ئاشکاوی ۋەرڕەوی بکەرۆنە؟ بەڵا م شەڕڤانەکێما بەخرابێ دێنێشا ۋنە و زیانی فرەشا پنە یاۋنێنێ. بەڵام چا بارەوە ئامارێۋی دروست بەدەس نەۋزیان.

(شەڕا)

تاقمێو جە سەربازا ئەرتەشوتورکیای گەرەکشا بییەن دەربازێ ناوچەکەی بانە، بەڵام شەڕڤانەکێما ئاستەنێشا کەردێنێ و لانی کەم  ٦سەرۋازێ کوشیێنێ و وهەژمارێۋیچ زامارێ بیێنێ.

(عەزاز)

هێزەکێما جە هەڵمەتێوە شورشگێری لەشکەریینە بە چەکی قورس دانشا جە چەتە هێرشبەرەکا و فرێوشا چەنە کوشێنێ و بریندارێ بینێ.