هەسەدە ڕاپۆرتو پانزەهەمین ڕۆو «مدرامان»یش ۋەڵاوكەرده‌ۋە
دلێگەو یاونەری هەسەدەی، ئەنجامو جەنگیش جە کانتۆنەکا عەفرینی و شەهبای ئاشکرا کەرد و کوشتێ و زامدارێو زیانێ دوژمنیش ۋستێ ڕووە.
ئارۆ (٣ی شوباتی\١٤ی ڕابەندانی)، دلێگەو یاونەری هێزەکا سوریای دیموکراتی هەسەدەی، بەی جۆرە ئەنجامو مدرامان و جەنگیش ئاشکرا کەرد:
ڕاجۆ
شه‌وێ ۋیەردێ، سەعات ٥ تا سەعات ٨، ئەرتەشی داگیرکەر و تاقمە چەتەکێش، شارچەو ڕاجۆی و دێهاتەکا "جەلا، جانکا، جه‌قماقا و گردی بێلا"یشا جە زەمین و ئاسمانەۋە بەفڕۆکێ و تۆپ و تانکێ بۆردومان کەردەن.
ئارۆچ، سەعات، ١١و نیمەڕۆی، جارێۋتەر هەمان ناوچێ تۆپۋارانێ کریێنێ. هاموەخت جە گرێ کەرێ کەڕ، ئەرتەش بەپەشتیۋانی بۆردومانی هەوڵو پێشڕەوویش دان. بەڵام هەوڵەکەشا مایە پووچ کریان.
جندرێس
شەۋێ ویەردێ،ئەرتەشی داگیرکەر و تاقمە چەتەکێش، هەوڵشان دان دەربازو دێهاتەکا "ئەشکان غه‌ربی، حەمامێ و چیای بیرقه‌دار"ی بانە، بەڵام ڕووبەڕوو مدرامانی سەختی بیێنێ و شەڕڤانێ هەسەدەی خراپ ماڕێنێ و ژمارێۋی فرێ کوشتێ وزامدارێشا دێنێ. ژمارێۋ چەتێ وسەربازێ تورکی کۆتێنێ گەمارۆ شەڕڤانا، کە ئەگەر فڕۆکێ جەنگیێ بەهاناشانەوە نامابیێ گرد یان کوشیێنێ یان بەدیل گێریێنێ.
شه‌را
ئارۆ سەعات١٢ی نیمەڕۆی، جە سەرسنور شەڕڤانێ هەسەدەی هێزە داگیرکەرەکێشا کردێنێ ئامانج، جە ئاکامەنە چەند ئامێری سەربازییشا دلێنەبەردێنێ. سەعات ۱۳:۰۰ نیمەڕۆیچ تانکێۋە دوژمنی دلێنەبریێنە و سەرنشینەکێش دلێنەشیێنێ.
گرێ سپی
سەعات ١٩:٤٥ ۋێرەگای، تاقمێۋی ٦ چەتەیی گەرەکشان بیەن سنور بەزنا، بەڵام شەڕڤانێ خراب دێنێشاۋنە،دمایی جەنگی نیم سەعاتی ٤ جە چەتەکا کوشیێنێ، ۲ بریندارێ بیێنێ.
بلبلێ ـ یەپەژە
هەر ئارۆ دلێگەو یاۋنەری یەکینەکا پاراستەی ژەنێ یەپەژەی، ئاشکراش کەردەن: هه‌فتارۆی سه‌ر به ناوچه‌و بلبلێ، ژەنە شەڕڤانەکێشا، تانکێ دوژمنیشا تەقنێنەۋە.
یەپەژە، بەدیمەن چالاکییەکەش ۋەڵاکەردەنەۋە.
