دلێگەو یاۋنەری و چاپەمەنی هێزەکا پارێزنای گەلی- هەپەگە-ی بە ۋەڵاکریێۋ ئاشکراش کەردەن: " گەریلاکێشا بەردەۋامێنێ جە گورزدای جە هێزەکا دوژمنی و چا چوارچێوەنە جە "جۆلەمێرگ، شرنەخ و سێرت" ۳٥ سەربازێ تورکیای کوشیێنێ "ٚ. هەپەگە چا بارەۋە ئی زانیاریێشە دێنێ:

چالاکی یەکەم جە چەلێ: زرێپۆشێۋ دلێنە بریا و ۱۲ سەربازێ کوشیێ

سەعات  ۲۰:٤۰ دەیەقێ شەۋێ ڕێککەوتو  ۱۸و حوزەیرانی، میانۆ چەلێ و جۆلەمێرگی-یەنە و جە بەردەوامی هەڵمەتەو شۆڕشگێڵی شەهیدا پیرۆز و ئاگری-یەنە، گەریلا کارۋانێۋی سەربازی دوژمنیش کەردەن ئامانج و جە ئاکامەنە زرێپۆشێۋ بە تەمامی و بە سەربازە سەرنشینەکاشەۋە دلێنە بریان و لانی کەم ۱۲ سەربازێ کوشیێنێ.

چالاکی دووەم جە چەلێ: ۱٥ سەربازێ کوشیێ

سەعات ۲۰:۳۰ دەیەقێ شەۋێ هەر جە ڕێککەوتو ۱۸و حوزەیرانی، یەکینێۋی تایبەتو سپاو تورکیای کە جە سەربازگەو گەمان-و چەلێ بەرشیەبێنە و گەرەش بییەبێ بۆسە پەی گەریلای بنیۆرە، غافڵگیرانە گەریلای دانش ۋنە و  جە ئاکامشەنە لانی کەم ۱٥ سەربازێ کوشیێنێ و یەکینەکە ناچار بە دمارە گێڵای کریان.

گەڤەر: ۳ سەنگەرێ خاپورێ کریێ و ٦ سەربازێ کوشیێ

سەعات ۰٤:۱٥ دەیەقێ سەرسەبای ۱۹و حوزەیرانی، جە گەلی عەلشێری سەر بە ناوچەو گەڤەری گەریلا دژو سپا داگیرکەرەکەو تورکیای چالاکیش ئەنجام دان و بە هۆشەۋە ۳سەنگەرێ خاپورێ کریێنێ و ٥ سەربازێ کوشیێنێ.
هەمان ڕۆچ بەڵام سەعات ۱۳:۳۰ دەیەقێ نیمەڕۆی، جە هەمان ناوچەنە دژ بە سەربازگەو شکێرێی چالاکی ئەنجام دریان و چاگێچە ۱ سەرباز کوشیان.

شرنەخ: ۳ بلدۆزەرێ سۆچنیێ و ۲ سەربازێ کوشیێ

سەعات ۲۳:۰۰ شەوێ ڕێککەوتو ۱۸و حوزەیرانی جە ناوچەو بەسای سەر بە پارێزگاو شرناخی، جە بەردەۋامی هەڵمەتەو شۆڕشگێڵی شەهید دەلال ئامەد و شەهیدا بەستای گەریلا چالاکیشا دژو هێزەکا دوژمنی ئەنجام دان و جە ئامامشەنە، ۳ بلدۆزەرێ سەربازیێ سۆچنیێنێ و ۲ سەربازێ کوشیێنێ.

دهێ: سەربازێو کوشیا

جە ۱۹و حوزەیرانی جە ناوچەو دهێی کە  سەر بە پارێزگەو سێرت-یەن، یەکینێوی سەربازی دوژمنی کریان ئامانج و جە ئاکامشەنە سەربازێۋ کوشیان و ۲ سەربازێ تەرێچ بریندارێ بیێنێ.