ڕوناهییێ: تورکیا دیمۆگرافیا دەڤەرەکەی ڤاڕۆنە

"ڕۆناهی سەرحەد"ێ، ئەندامە جە کۆدیناسیۆنو پارتو ئازادی ژەنا کوردستانی پاژکی، ئاشکرا کەرد: تورکیا ئامانجش جە هێرشەکاش ڕاگرێرتەی و وەرگرتەیەن جە چەسپنای سیستەمی فیدرالی دیمۆکراتی جە ڕۆژئاڤا و باکورو سوریایی.

ڕوناهییێ، جە دیمانێۋشەنە پەی فوڕات نیوزی، دەسنیشانش کەردەن: دەوڵەت و ڕژێمو تورکیا چەمێش بەرایی دەستکۆتەکا و سیستەمو ڕاۋەبەری دیموکراتی باکوری سوریا نمەدا و  تەماعەش کەردێنە خاکەکەیش و هەوڵو داگیرکەردەیش مدۆنە و عەفرینی ڕووبەڕوو قڕکەردەی جەستەیی و فەرهەنگیش کەرۆۋە.

ڕوناهییێ، جە درێژەو قسەکاشەنە پیلانە و ئامانجو تورکیای ئاشکرا کەرۆنە و واتەنش: تورکیا گەرەکشەن بەتەمامەتی دەست گێرۆ ملوو "وەرنیشت/ڕۆژئاڤا/ کوردستان" یەرە و کوردەکان ئاوارە بکەرۆ و پەی جۆرە دیمۆگرافیا هەرێمەکەی فاڕۆنە. ئەگەر نەتاۋاش ئانەیە کەرۆنە، ئاوەختە گەرەکشەن ڕاگێری جە ئیرادە و ئازادو کوردی و سیستمو فیدراڵی دێمۆکراتی گەلا کەرونە و گەلو کوردی بێ ڕاوەبەر و بێ ستاتۆ بازۆۋە.

ئەندامەکێ کۆردناسێنو پاژکی ئاماژەش بە ۋەرپرسیاربی هێزە میاندەوڵەتیەکا کەردەن و ماچۆنە: وەڵێ گرد لایێ ڕوسیا ۋەرپرسیارەن. هەرگیز هیچ یاسێۋە ڕا بەدەوڵەتێوی نمەدۆ کۆمەڵکوشتەی خەڵکی سڤیلی بکەرۆنە، هاموەخت بۆردمان کەردەی پەنگئاوی، مزگی، شوێنەوار و دێهاتەکا بکەرۆنە، ئینە بە هیچ جۆرێۋە یاگێ قەبووڵکەردەی نییەن. فڕۆکێ جەنگیێ تورکیای ئینە ١٢ شەو و ڕوێن جە بۆمبۋاران کەردەی دێهات و نشینگە سڤیلیەکا بەردەوامێنێ و هیچ چۆڵەۋانیێشا بەئامانج نەگرتەن.

«ڕۆناهی سەرحەد» ئەندامە جە کۆدیناسیۆنو پارتو ئازادی ژەنا کوردستانی پاژکی، واتەنش: یەپەگە و یەپەژە بەهێزو وێپارێزنای ڕەۋای، گەلەکەێشا مەپارێزنا. بەڵام مشیۆم کورد فرەتەر جە بوارو  سەربازی و چەکدارییەوە وێش ڕێکوستە بکەرۆنە، پێویستەن جە ۋەرانۋەرو ئاسیاسەتەیە کە هێرش کەرۆ سەرو گەلو کوردی، پیر و گەنج، ژەن و پیاو کوردستانی وێشا ڕێکوزانە و جە دڵی هێزو وێپارێزنای چەکداری یاگەگیرێ با.

ڕٶناهییێ، ئاماژەش پانەیە دان، کە عەفرین شارێۋی کوردییەن و بەشێۋەن جە ڕۆژئاوای و سەرنیشتو سووریای، هەر پاسێچ مەنۆۋە و  کورد هەتا مەردەی عەفرینی پارێزنۆنە. نامبریێ، ستاییش و  مدرامانی جە عەفرین مەکەرۆنە و هاموەخت بەرێزەۋە چالاکییە گیانبازیەکەو ئاڤێستا خابورێ هۆرسەنگنۆنە و  بە واتادار بەنامێش کەرۆنە.
ڕوناهیێە جە دماییەنە،  داوا جە جواناو کوردوستانی کەرۆنە ڕووە بکەرانە عەفرینی و خاوەنداریش چنە بکەران.