هامسەرۆکایەتی کۆما جڤاکێن کوردستان-کەجەکە، جە ساڵیادو مدرامانە مێژوویەکەو ۱٤و تەمووزیەنە پەیامێش دان و سەرەڕا بەڕێزەۋە یادکەردەی"محەمەد خەیری دوورموش، کەمال پیر، عاکیف یەڵماز و عەلی چیچەک-ی، دلێشنە ئامان:

 
'چالاکی١٤و تەمووزی شکستش بە فاشیزمو ١٢ی ئەیلوولی-دا'

جە ۱۲و ئەیلوول-و ۱۹۸۰یەنە، جە تورکیا کودەتێۋە سەربازی فاشیستانە ئەنجام دریا، شۆنیشەرە هەوڵ و کۆشش کریا تا پەکەکەی جە دلێ زیندانو ئامەد-یەنە بەند و قەتیس بکەرانە. ئامانج چانێچە ئانە بێ، تا هیۋا و ئاۋاتەکا گەل و جمیەرە ئازادیەکەو کوردی جە بار بەرانە، کە بە ئەرەمەرزیای پەکەکەی چەکەرەشا کەردەبێ. بەڵام پەکەکە بە مدرامان و مانگێرتەی تامەردەی جە ۱٤ تەمووزو ۱۹۸۲ی ڕووبەڕوو کودەتاکارا و ئامانجە فاشیستیەکاشا مدراۋە و شکستش دێ و شکۆمەندانە بناغەو شۆڕشیش جە کوردستان مەرزنارە. پانێچە پەکەکە نەک دلێنە نەبریا، بەڵکو بەهێزتەر و فراۋانتەر بی.
ئەگەر ئارۆچ خەبات و ۋنەکۆشای ئازادی سەرو هەمان بنەماکا مدرامانو زیندانو ئامەدی بکرێۆنە، بێگومان سەرکەوتەی و ئازادی و سەرفرازی گەلی مسۆگەرێنێ و سەرەڕا گردو هێرشەکاچ جە کوردستان دەسکەوتێ گەورێ بەدەس بۋزیانە.

'مردامانو ١٤ی تەمووزی بی بە ڕۆحو مدرامانو گەریلای'

مانگێرتەی تامەردەی یان ڕۆچێ مەردەی، کە جە ۱٤و تەموزیەنە مدرامانە مێژوویەکەش ۋنە کەوتەۋە، بی بە پەشتگیری گەورە پەی سەرهۆردای خەباتی چەکداری گەریلاکا ڕێبەر ئاپۆی و دەسپنەکەردەی و جاڕدای ئا خەباتەیە جە ١٥و ئابو ۱۹۸٤ یەنە و ئانێچە سەرکەوتەی و دەسکەوتێ مەزنش دمارە ئامێ و ۋنەکۆشای ئازادی ئیسەیشە چنە کەوتێۋە.

'ئارۆچ ئاکەپە و مەهەپە درێژە بە فاشیزمی مڎانە'

جە ئارۆنە ئاکەپە و مەهەپە درێژە پنەدەرێ فاشیستیەنێ و ئاڎێ دژ بە گەلا کوردستان، تورکیا و وەرکەوتی دلینی کودەتای فاشیانەشا ئەنجام دان. بەڵام گەلەکەما و جمیەرە ئازادیۋازەکەش ڕووبەڕووشا مدران و هەر چەنی شکستش بە کودەتاکار ۱۹۸۰ی دا،  پاسێچە شکست بە ئاکەپە و مەهەپەی مڎۆنە و تەخت و تاجەو دەسەڵاتداری ئەردۆغانی وڕنۆنە.

'بشۆم خەبات فراۋانتەر کرێۆنە'

ئێمە پێسەو هامسەرۆکایەتی کۆما جڤاکێن کوردستان-کەجەکەی، بانگەوازیی جە، گەنجا، ژنا و پیایا و گردو کوردی و هێزە دیموکراسیوازەکا مەکەرمێنە، تا بە گیانو مردامانو ۱٤و تەمووزی خەبات فراۋان و بەهێزتەر ڕاۋە بەرانە و کوردستانی ئازاد و  تورکیا و وەرکەوتی دلین-ی دیموکرات و ئازاد مەرزنارە.