"کەژاڵ هۆرامی"یێ: مەراسمو پیرشالیاری پارێزنای کلتووریەن

هۆرامییێ: بشۆم کلتوری دێرینەمان پارێزنمێ و بیاۋنمێش نەۋەکا ئایندەی.

 

جە ڕۋا ۋیەردەیەنە جە شارچەو هۆرامانو تەختی، زەماوەندە و مەراسیمی تاریخیی پیرشالیاری لۋا ڕاۋە.

یوتوب، جە تۆڕێ کۆمەڵایەتیێ هۆرگێریان.

ئێساڵ سەرەڕا سەردای و زقم و ۋەرۋێ، بەڵام مەراسیمەکە گەرم و گوڕتەر جە جارا ڕێکوزیا و هەزاران کەسێ جە هۆرامان، کوردستان و ئێران و ژمارێۋ مێمانی بیانیێ بەشدارێش بیێ. هەر پاسە فرێو جە دەزگاکا یاونەری کوردیێ و ئێرانیێ و بیانێی ڕوماڵشا کەرد.

سەبارەت بە زەماوەندە و مەراسیمو پیرشالیاری، کە ڕیشەی هەزاران ساڵەش هەن و ساڵانە دۋێ جارێ جە زمسان و ۋەهار ئەنجام مدریۆنە، ڕۆشنۋیرە و چالاکڤانەو هۆرامانی "کەژاڵ هۆرامی"یێ، قسێش پەی بەشو هۆرامی ئاژانسەکێما فوڕات نیوزی کەردێنێ و واتەنش:
ئێساڵ ساڵەیادو مەراسمو پیرشالیاری هاموەخت بێ چەنی مدرامانی قارەمانانەو گەلەکەیما جە عەفرینو وەرنیشتوو کوردستانی. یاگۆ وێشەنە بە نامێ وێم و تەماموو رۆشەنڤیرا هۆرامانی واچوونە ئیمە بە دڵ و رۆح ئینامێ چەنی عەفرینی و بە توندی سەرکۆنە هیرشەکاو ڕژێمو تورکیای مەکەرمێ، هەرپاسە سەرو ڕێزو نەوازشی نامنمێرە پەی گرد شەهیدا ڕا ئازادی و بەتایبەت شەهیدەکا ئەی مدرامانەیە.

دۋەپاتش کەرمێۋە ئیرادەو گەلی و شەرڤانەکاش ئێندە بەهێزو و گەورەن کە بە دڵنیایەوە دوژمنش بەزنان و مەبەزنۆنەش.


کەژاڵە، ئاماژەش پانەیەدا، کە مەڕاسیمو پیری ساڵانە ٢ جارێ جە چلێ زمسانی و چلێ ۋەهاری ملۆ ڕاۋە و مەڕاسێمۋی گردگیری کۆمەڵایەتین کە سەرجەم بوارەکێ ژیانیش گێرتێنێ. سەڕەڕا ئانەیە کە مێژوو و وەڵینەو گەلەکەیمانەن، بەرش وزۆنە ئەی گەلە هەمیشە پەشتیش بە وێش بەسێنە و سەربەوێ بییەن و ئایین و ڕاوڕەسم و فەرهەگی تایبەت بەوێش بیەن.

یوتوب، جە تۆڕێ کۆمەڵایەتیێ هۆرگێریان.

هاموەخت پارێزنای فەرهەنگ و تاریخی ڕێشەدار و زەنگینو هۆرامانی و کوردستانییەن، کە دوژمەنێ گەلی هەم جەڕاو ئاینی هەم جە فەرەهنگی و زۋانی و ڕاکا تەری هەوڵو شێۋنای و ئەۋەسڕیێش مدانە. جە ڕاسینە مەراسیمەکە یۆن جە ڕاکارەکا پەی وەرگرتەی پا هەوڵو دوژمنا.

کەژال هۆرامییێ، ماچۆنە: پیر بەرزتەرین پلەو ئایینی زەردەشتیەن کە بە کەسایەتیە ڕۆحانیە گەورەکا دریان و گەرەکم نیەن فرە بلوو سەروو ئا بابەتەیە، بەڵام ئاینو زەردەشتی کە دماو ئایینو میترایی ئامان ،ئاینێ عەقلانیەن کە دما یاگەگیربیەیش پەرەش بەیەکتاپەرەستی دان. زەردەشتییەت یۆ جە ئا دینانە کە تێکەڵوو سیاسەتی کەم بیەن. جە هۆرامانەنە فرە گرنگیش پنە درایان و هۆرامیەکان بەزیندەیی پارێزناشا و هەر ئانەنە کە  ئارۆ مەراسمو پیری زەردەشتی چەند هەزار ساڵەشا بەزیندیی درێژە پنە دان و یادش مەکەراوە.


جە دمایی دیمانەکێشنە، چالاکڤانەو هۆرامانی "کەژاڵ هۆرامی"یێ، ماچۆنە:
ئارۆ دوژمەنێ گەلەکەیما تەمامو توانا و هێزو وێشان بەکارمەبەران تا کلتوور و وەڵینەو هۆرامانی و کوردستانی بشێۋنان و دلێنەبەراش، پۆکەی من داۋکارەنا جە گەنجا، وڵاتپارێزا و دڵسۆزا ئەدەب وکلتووری،  ئی جۆرە مەڕاسیما زیندە بازاوە و درێژەشا داپنە و بیاوناشان بە نەوەکا دماو وێشان.