دانیشتنی دۆزی پەیوەست بە هاوسەرۆکی گشتی پارتی دیموکراتیکی گەلان (هەدەپە) سەڵاحەدین دەمیرتاش دەربارەی قسەکانی لە ساڵانی ٢٠١٥-٢٠١٦، بەڕێوەچوو.

دانیشتنەکە لە دادگای مێرسین بەڕێوەچوو، دەمیرتاش لەڕێگەی سیستەمی دەنگ و ڕەنگەوە بەشداری دانیشتنەکەی کرد. هەروەها پارێزەرەکانی لە دانیشتنەکەدا ئامادەبوون. دەربارەی ٤ تاوان، داوای سەپاندنی سزا بەسەر دەمیرتاش کرا. پاش بەرگری دەمیرتاش و پارێزەرەکانی، دادگا بڕیاری دا. دادگا بە پاساوی قسەکانی پێشووی، بەگشتی ٢ ساڵ و ٦ مانگ سزای زیندانی بەسەر دەمیرتاش سەپاند.