بۆ بینینی عەبدوڵا ئۆجالان داواکاری پێشکەش کرا
پارێزەرانی ڕێبەری گەلی کورد عەبدوڵا ئۆجالان کە نزیکەی سێ ساڵە نەیانتوانیوە زانیاری لە موەکیلەکەیان وەربگرن، جارێکی دیکە داواکاریان پێشکەش کرد.
بۆ سەردان کردنی موەکیلەکان داواکاری لەلایەن پارێزەرانی نوسینگەی یاسای سەدە ئیبراهیم بیلمەز، ڕازیە ئۆزتورک، عیمران ئەمەکچی و جەنگیز یورەکلی پێشکەش کراوە.
پارێزەران بۆ بینینی ڕێبەری گەلی کورد عەبدوڵڵا ئۆجەلان، عومەر خەیری کۆنار، حامیلی یڵدرم و وەیسی ئاکتاش، داوایان پێشکەش بە داواکاری گشتیی بورسا و بەڕێوەبەرایەتی زیندانی ئیمرالی کردووە.
لە ٢٥ی ئازاری ٢٠٢١ەوە تا ئێستا هیچ زانیارییەک لە ڕێبەری گەلی کورد عەبدوڵڵا ئۆجالان دەست نەکەوتووە.
پارێزەران بۆ بینینی ڕێبەری گەلی کورد هەفتەی دووجار داواکاری پێشکەش دەکەن، بەڵام ناتوانن وەڵام وەربگرنەوە.
