پارێزەران سەردانی داواکاری گشتیی بورسا و بەڕێوبەرایەتیی زیندانی ئیمرالییان کرد و داوای چاوپێکەوتنیان لەگەڵ عەبدوڵا ئۆجالان کرد.

داواکارییەکە لەلایەن پارێزەرانی ڕێبەری گەلی کورد عەبدوڵا ئۆجالان، فایەق ئۆزگور ئەرۆل، ڕازییە ئوزتورک، ڕێزان ساریجا و چەنگیز یورەکلی پێشکەشکراوە.

هەمان داواکاری بۆ سەردان و چاوپێکەوتن لەلایەن ئەو پارێزەرانەوە بۆ بینینی عومەر خەیری کۆنار، حامیلی یڵدرم و وەیسی ئاکتاش پێشکەشکرا، کە ئەوانیش لە زیندانی ئیمراڵی دا زیندانیکراون.

ڕێبەری گەلی کورد عەبدوڵا ئۆجالان لە ساڵی ١٩٩٩ەوە لە زیندانی ئیمراڵی گۆشەگیرکراوە.

دواین پەیوەندی و قسەکردن لەگەڵ عەبدوڵا ئۆجالان لە ٢٥ی ئازار لەگەڵ محەمەد ئۆجالانی برایدا بوو، بەڵام ئەو پەیوەندیی و قسەکردنەش لە نیوەدا لەلایەن بەرپرسانی دەوڵەتى تورکەوە بڕا.

پارێزەرانی ڕێبەری گەلی کورد عەبدوڵا ئۆجالان دوای ٨ ساڵ لە رۆژانی ٢ و ٢٢ی ئایار و ١٢ی حوزەیران و ١٦ی حوزەیران و ٧ی ئابی ٢٠١٩ دا توانییان موەکیلەکەیان ببینن. لە ٧ی ئابی ٢٠١٩ەوە هەموو داواکان بۆ چاوپێکەوتن لەگەڵ عەبدوڵا ئۆجالان وەڵامیان نەدراوەتەوە.

ژ.ت