بەمەبەستی دیدار لەگەڵ عەبدوڵا ئۆجالان داواکاری بەرزکرایەوە
بەمەبەستی دیدار لەگەڵ رێبەری گەلی کورد عەبدوڵا ئۆجالان و زیندانیانی دیکەی ئیمراڵی کە ٤١ مانگە هیچ هەواڵێکیان نازانرێت، پاڕێزەران داواکارییان بەرزکردەوە.
پاڕێزەرانی نوسینگەی یاسایی سەدە بۆ ئەوە بتوانن موەکیلەکەیان عەبدوڵا ئۆجالان ببینن، داواکارییان پێشکەش بە داواکاری گشتیی کۆماری لە بورسا و بەڕێوەبەرایەتی زیندانی ئیمراڵی کرد.
بەهەمان شێوە بەمەبەستی دیدار لەگەڵ عومەر خەیری کۆنار، حامیلی یەڵدرم و وەیسی ئاکتاشیش کە لە ئیمراڵی زیندانین داواکاری بەرزکرایەوە.
داواکارییەکە لەلایەن پارێزەرانی نوسینگەی یاسایی سەدە سوزان ئاکیپا، ئیبراهیم بیلمەز، جەنگیز یورەکلی و عەمران ئەمەکچییەوە پێشکەش کرا.
