بنەماڵەکان بەمەبەستی رۆیشتن بۆ ئیمراڵی داواکارییان بەرزکردەوە
بنەماڵەکانی رێبەری گەلی کورد، عەبدوڵا ئۆجالان و سێ زیندانی دیکەی ئیمراڵی کە بەشێوەیەکی چڕ لە ژێر گۆشەگیریدان، بەمەبەستی ئەنجامدانی دیدار، داواکاریی نوێیان پێشکەش کرد.
نزیکەی سێ ساڵە هیچ زانیارییەک لەبارەی رێبەری گەلی کورد، عەبدوڵا ئۆجالان بەردەست نییە، محەمەد ئۆجالان برای ئۆجالان و پارێزەرەکەی مەزڵوم دینچ، بۆ پێشکەشکردنی داواکاری دیدار سەردانی داواکاریی گشتیی کۆماری بورسا و بەڕێوەبەرایەتی زیندانی ئیمراڵییان کرد.
ھەروەھا بەهمان داواکاریی عەلی کۆنار برای عومەر خەیری کۆنار، پۆڵات یەڵدرم برای حامیلی یەڵدرم و مەلیحە چەتین خوشکی وەیسی ئاکتاش، سەردانی ئەو دامەزراوانەیان کرد.
لە ٢٥ی ئاداری ٢٠٢١ بەدواوە، هیچ زانیارییەک لەبارەی رێبەری گەلی کورد، عەبدوڵا ئۆجالان بەردەست نییە.
لە ماوەی ١٢ ساڵی ڕابردوشدا، تەنها ٥ جار پارێزەران توانیویانە دیدار لەگەڵ ڕێبەری گەلی كورد ئەنجام بدەن، دوایین دیداریش لە ٧ی ئابی ٢٠١٩ ئەنجام دراوە و ٤ ساڵ بەسەر ئەو دوا دیدارەدا تێپەڕیووە.
